داعشین الینده مینلرجه تورکمن وار

داعش طرفین‌دن قاچیریلان، عاقیبتلری معلوم اولمایان ۷ مین ۶۵۴ تورکمن و یزیدی وار

داعشین الینده مینلرجه تورکمن وار

عراق مجلسینین اینسان حاقلاری کمیسیونو عضوو علی بیاتی، ۲۰۱۴‌ده ترور هؤرگوتو داعش طرفین‌دن قاچیریلان و عاقیبتلری معلوم اولمایان ۷ مین ۶۵۴ تورکمن و یزیدی اولدوغونو دئدی.

علی بیاتی، ۱۰ ژوئن ۲۰۱۴ده عراقین ان بؤیوک ایکینجی شهری موصولو اله گئچیره‌رک اؤلکه‌نین ۳ده ۱ینی کنترل آلتینا آلان داعشین، مینلرجه تورکمنی و یزیدینی قاچیردیغینی بیلدیردی.

بیاتی، داعش طرفین‌دن قاچانلارین چوخونون یزیدی اولدوغونا ایشاره ائد‌رک، موصول سینجار بؤلگه‌سینده ۳ آگوست ۲۰۱۴دن اعتباراً ۶ مین ۴۰۴ یزیدینین قاچیریلدیغینی دئدی.

هؤرگوتون قاچیردیغی یزیدیلرین ۳ مین ۵۳۸ینین قادین، ۲ مین ۸۶۶سینین کیشی اولدوغو معلوماتینی وئره‌ن بیاتی، کمیسیونون اؤلدوروله‌ن یزیدی ساییسینی ایسه مین ۲۳۹ اولاراق معین ائتدیگینی بیلدیردی.

عراق‌دا عرب و کوردلردن سونرا اوچونجو بؤیوک عنصور اولاراق قبول ائدیله‌ن تورکمنلرین ده داعش سالدیریلارینا معروض قالدیغینی خاطیرلادان بیاتی،

"هله ده داعشین قاچیردیب ساخلادیغی مین ۲۵۰ تورکمن وار. بونلاردان ۶۰۰و قادین، ۱۲۰سی ایسه اوشاق" دئدی.

بیاتی، شاهیدلرین ایفاده‌لرینه گؤره تورکمن قادینلارین کند و ائلچه‌لردن قاچیریلارکن تروریستلرین تجاووز و جینسی استثمارینا معروض قالدیغینی بیلدیردی.

اینسان حاقلاری کمیسیونو عضوو آیریجا داعش طرفین‌دن قاچیریلان بو اینسانلارین عاقیبتینین اؤیرنیلمه‌سی و عائله‌لرینه گئری دؤنمه‌لرینین تامین اولونماسی اوچون عراق حکومتینین بؤیوک بیر چابا صرف ائتدیگینی دیله گتیردی.



ایلگیلی‌لی خبرلر