تورکمنلر قروپ قوردو

"تورکمنلر اولاراق حکومت‌ده فعال شکیل‌ده ایشتیراک ائتمک ایسته‌ییریک"

تورکمنلر قروپ قوردو

عراق‌دا ۱۲ می پارلمان سئچیملرینین آردین‌دان دونه‌ن دوزنلنن ایلک اوتوروم‌دا، ان بؤیوک مجلیس کوالیسیونویلا باغلی باش وئره‌ن آنلاشمازلیقلار سببی ایله یئنی مجلیس باشقانی سئچیله‌ممه‌دی.

اوتورومدا باش وئره‌ن آنلاشمازلیقدان دولایی، حکومتی قوراجاق ان بؤیوک پارلمان کوالیسیونو قراری دا چیخمادی.

مجلسین ان یاش‌لی عضوو صیفتی ایله ایداره ائد‌ن محمد علی زینی باش وئره‌ن سیاسی خائوس‌دان دولایی اوتورومو بوگونه ارته‌له‌دی.

اؤلکه‌ده، آنایاسادا گؤستریلمه‌سه ده، پارلمان باشقانلیغی عرب سنیلردن، پرزیدنت کوردلردن، باشباخان عرب شیعه‌لردن سئچیلیر.

آنجاق، شیعه‌لرین باشباخان مسئله‌سین‌ده اولدوغو کیمی، سنیلرین مجلیس باشقانلیغی و کوردلرین ده پرزیدنت سئچیله‌جک تک بیر آد اوزرین‌ده هله آنلاشاممادیغی قید ائدیلدی.

بو آرادا، عراق تورکمن جبهه‌سی باشقانی ارشد صالحی، تورکمن مجلیس قروپو یاراتدیقلارینی بیلدیردی.

ارشد صالحی، مجلیس بیناسین‌دا گئچیردیگی مطبوعات کنفرانسین‌دا، یئنی پارلماندا ۹ وکیلین‌دن عبارت اولان تورکمن قروپونو قوردوقلارینی دئدی.

تورکمنلرین حاقلارینی ضمانت آلتینا آلماق اوچون یئنی دؤورده ده چالیشمالارا داوام ائد‌جکلرینی ایفاده ائد‌ن صالحی، تورکمنلرین چیخاری اساسین‌دا حرکت ائد‌جکلرینی و بو چرچیوه‌ده ان یاخین مجلیس قروپو ایله اتفاق یاراداجاقلارینی قید ائتدی.

صالحی، "تورکمنلر اولاراق حکومت‌ده فعال شکیل‌ده ایشتیراک ائتمک ایسته‌ییریک" ایفاده‌لرینی قوللاندی.



ایلگیلی‌لی خبرلر