علیئو، آنگلا مرکل ایله گؤروشوب

پرزیدنت ایلهام علیئو، باش ناظیر مرکلین آذربایجانا ایلک دفعه سفر ائتدیگینی قئید ائده‌رک، بونون "تاریخی بیر سفر" اولدوغونو دئدی.

علیئو، آنگلا مرکل ایله گؤروشوب

آذربایجان پرزیدنتی ایلهام علیئو اؤلکه تورپاق‌لاری‌نین اوزون ایللردیر کی، ایشغال آلتیندا اولدوغونو قئید ائده‌رک،

ارمنی اوردوسو، ایشغال اولونموش اراضی‌لردن درحال چیخاریلما‌لی‌دیر." دئدی.

علیئو، رسمی تماس‌لاردا اوچون باکی یا گئدن آلمانیا باش ناظیری آنگلا مرکلی قبول ائدیب.

علیئو و مرکل، هیات‌لر آراسی گؤروشمه‌دن سونرا بیرگه مطبوعات کونفرانسی کئچیریب.

پرزیدنت ایلهام علیئو، باش ناظیر مرکلین آذربایجانا ایلک دفعه سفر ائتدیگینی قئید ائده‌رک، بونون "تاریخی بیر سفر" اولدوغونو دئدی.

علیئو بو سفرین آلمانیا-آذربایجان علاقه‌لری‌نین اینکیشافینا تکان وئرجگینه امین اولدوغونو وورغولادی.

مرکله بؤلگه سل امنیت مسئله‌لری‌نه یاناشی، خصوصاً داغ‌لیق قاراباغ موناقیشه‌سی حاقیندا معلومات وئردیگینی قئید ائدن علیئو،

"آزربایجانین اولوسلار آراسی بیرلیک طرفین‌دن تانینمیش تورپاق‌لاری اوزون ایللردیر کی، ارمنیستانین ایشغا‌لی آلتیندا‌دیر. بو ایشغال نتیجه‌سینده 1 میلیون‌دان چوخ آذربایجان‌لی قاچقین وضعیتینه دوشموش‌دور. موناقیشه ایله باغلی بیرلشمیش میللت‌لر تشکیلاتی امنیت شوراسی 4 قطعنامه قبول ائتمیش‌دیر. بو فرمان‌لارا گؤره، ارمنی اوردوسو ایشغال اولونموش اراضی‌لردن درحال و قئید-شرط‌سیز چیخاریلما‌لی‌دیر. تأسف کی، ارمنیستان بو قرارلاری هئچه ساییر و ایجرا ائتمیر. آذربایجانین اراضی بوتؤو‌لوگو تامین ائدیلمه‌لی و پروبلم بو پرینسیپ اساسیندا حلّ اولونما‌لی‌دیر." دئیه دانیشدی.

علیئو، آذربایجان و آلمانیا آراسیندا تیجارت دؤوریه‌سی‌نین حجمی آرتدیغینا دقتی چکه‌رک، آلمان شیرکت‌لری‌نین آذربایجاندا بیر چوخ پروژه‌یه قوشولدوغونو، مرکلین سفری سونراسیندا اونلارین فعالیت‌لری‌نین داها دا گئنیشلنه جگینه امین اولدوغونو دئدی.

آذربایجان گازینی آوروپایا داشییا‌جاق جنوب گاز دهلیزینه ده توخونان علیئو، 40 میلیارد دو‌لار سرمایه طلب ائدن بو پروژه‌نین می آییندا رسمی آچیلیشینی کئچیردیک‌لرینی خاطیرلادیب.

مرکل ایسه،آذربایجانین، اولکه سینین بو بؤلگه ده ان بؤیوک و ان اؤنم‌لی تیجارت طرفداشی اولدوغونو قئید ائده‌رک،

"آلمانیا آذربایجان ایقتیصادی‌نین شاخلاندیریلما‌سینا قاتقی وئرمه‌یه حاضیردیر" ایفاده‌لرینی ایستیفاده ائتدی.

مرکل آوروپانین انرژی منبع‌لری‌نین شاخلاندیریلما‌سیندا آذربایجانین اؤنمیلی عامل اولدوغونا دقتی چکه‌رک، جنوب گاز دهلیزی‌نین آوروپانین انژی تأمیناتیندا بؤیوک رول اوینایاجاغینی قئید ائدیب.

باکی- تیفلیس-قارص دمیر یولونون اهمیتینه ده توخونان مرکل، بو کمرین بؤلگه و آوروپا آراسیندا تیجارت علاقه‌لری‌نین گلیشمه سینه قاتقی وئره جگینی وورغولادی.

مرکل، داغ‌لیق قاراباغ موناقیشه‌سی‌نین حلّ ائدیلمه‌سینی ایستدیک‌لرینی قئید ائده‌رک، بؤلگه‌دکی بوتون موناقیشه‌لرین باریش یولو ایله حلّینه طرفدار اولدوق‌لارینی ایفاده ائتدی.

علیئو و مرکل داها سونرا آذربایجان‌لی و آلمان ایش آدام‌لاری بیر آرایا گلدی.

مرکل، گؤروشمه‌لری‌نین آردین‌دان آذربایجان‌دان آیریلدی.



ایلگیلی‌لی خبرلر