چاووش‌اوغلو تاتاریستان‌دا

چاووش‌اوغلو، تاتاریستان جمهوریتینین باشکندی قازان‌دا اؤلکه پرزیدنتی روستم میننیخانوولا بیر آرایا گلدی

cavusoglu-saymiyev1.jpg
cavusoglu-saymiyev.jpg

تورکیه‌ خاریجی ایشلر باخانی مؤولود چاووش‌اوغلو موسکواداکی رسمی گؤروشلردن روسیایا باغلی تاتاریستان جمهوریتینین باشکندی قازان‌دا اؤلکه پرزیدنتی روستم میننیخانوولا بیر آرایا گلدی.

روسیا سفرینین ایلک آیاغین‌دا قونومداشی سئرگئی لاوروو، اؤلکه پرزیدنتی ولادیمیر پوتینله گؤروشلرینی خاطیرلادان م.چاووش اوغلو صحبتلرین سون درجه ثمره‌لی کئچدیینی، بؤلگه‌سل و ایکی‌لی مسئله‌لری مذاکیره ائتدیکلرینی سؤیله‌دی: "ایکی دؤولت باشقانی (اردوغان و پوتین) و بیزیم گؤروشلریمیز حقیقتا ایکی اؤلکه بؤلگه‌سینین تهلوکه‌سیزلیگی، ریفاهی و ثابت‌لیگی اوچون چوخ اهمیت‌لی‌دیر. روسیا تورکیه اوچون چوخ موهوم اورتاق‌دیر. موسکوادان سونرا قازان‌دا اولدوغوم اوچون ده بؤیوک ممنونلوق دویوروق".

تاتاریستان پرزیدئتی روستم میننیخانوو دا اؤز نؤوبه‌سین‌ده بونلاری دئدی: «تورکیه‌نین تاتاریستانا موهوم یاتیریملارینا گؤره پرزیدنت اردوغان و بوتون رسمیلرینه تشکر ائدیره‌م. سرمایه‌لرله یاناشی چوخ ساییدا تورکیه شیرکتی فرق‌لی سئکتورلاردا فعالیتلرینی داوام ائتدیریر. تورکیه ایله تاتاریستان آراسین‌دا تیجارت حجمی اؤتن ایلله موقایی‌سه‌ده یوزده ۴۰ آرتدی. یئنه بیر نئچه پروژه‌یه بیرلیک‌ده ایمضا آتاجاغیمیزا امینه‌م. خصوصیله، بعضی محصوللاریمیزین تورکیه بازارینا گیرمه‌سی اوچون دقت‌لی ایشلر آپاریریق. بو مسئله‌ده تورکیه صلاحیت‌لی اورگانلارین‌دان دا بؤیوک دستک گؤزلییریک".

 



ایلگیلی‌لی خبرلر