تورک اوزمانلاردان اؤزبکستانلی عسگرلره تعلیم

مین‌باشی آرسلان ۲ هفته بویونجا آتا یوردو اؤزبکیستان‌دا مسلکداشلاری ایله ترور و پاتلاییجی ماده‌لرله مباریزه تطبیقی تعلیمی چرچیوه‌سین‌ده بیلگی و تجروبه پایلاشیمی ائد‌جکلرینی قید ائتدی

تورک اوزمانلاردان اؤزبکستانلی عسگرلره تعلیم

تورکیه‌دن ژاندارم باش قوموتانلیغین‌دا وظیفه‌لی اوزمانلار، اؤزبکیستان میلی محافظ بیرلیگینه ترورلا مباریزه تطبیقی تعلیم وئرمه‌یه باشلادی.

ژاندارم باش قوموتانلیغی ایله میلی محافظ بیرلیگی طرفین‌دن تورک امکداش‌لیق کووردیناسیون آژانسی (تیکا)نین دستکلری جیزک یاخینلیغین‌داکی فارش حربی مرکزینده باشلایان اویقولامالی تعلیم اوچون آچیلیش مراسیمی دوزنلندی.

آچیلیش‌دا چیخیش ائد‌ن میلی محافظ بیرلیگی یئتکیلیسی  شوهرت قنی‌یئو، سون دؤورده ایکی اؤلکه آراسین‌داکی استراتژیک ایلیشکیلرین گئتدیکجه گلیشمک‌ده اولدوغونو قید ائد‌رک، بو چرچیوه‌ده تورکیه و اؤزبکیستان آراسین‌داکی حربی ایلیشکی‌لرین ده گلیشدیگینی بیلدیردی.

قنی‌یئو، سؤزوگئدن تطبیقی تعلیمین بو امکداشلیغین ملموس بیر نومونه اولدوغونو وورغولایاراق، بو تعلیمین اؤلکه‌نین ساوونما و حربی پتانسیلینین داها دا گئنیشله‌نمه‌سینه و قارشی‌لیق‌لی تجروبه مبادیله‌سینه قاتقی وئرجیینی ایفاده ائتدی.

تورکیه‌نین داشکند ائلچیلیگی حربی آتاشه‌سی آلبای مصطفی بال‌اوغلو ایسه ژاندارم باش قوموتان‌لیغی ایله اؤزبکیستان میلی محافظ بیرلیگی یوکسک سویه‌لی هیاتلرینین قارشی‌لیق‌لی سفرلری نتیجه‌سین‌ده طرفلر آراسین‌دا امکداشلیغین گئتدیکجه گلیشدیگینی قید ائد‌رک، بو امکداش‌لیغی داها دا گلیشدیرمک‌دن یانا اولدوقلارینی بیلدیردی.

تیکا داشکند سوروملولاریندان علی احسان چاغلار دا بو تدبیرین گئچیریلمه‌سینه کؤمک ائتمه‌لرین‌دن دویدوغو سئوینجی دیله گتیردی. چاغلار، گونوموزده دونیانین موختلیف بؤلگه‌لرین‌ده چاتیشما‌لارین گئتدیکجه آرتدیغی بیر دؤورده بئله بیر اویقولامالی تعلیمین گئچیریلمه‌سینین اؤنمینی وورغولادی.

مین‌باشی اوغور آرسلان ایسه ۲ هفته بویونجا آتا یوردو اؤزبکیستان‌دا مسلکداشلاری ایله ترور و پاتلاییجی ماده‌لرله مباریزه تطبیقی تعلیمی چرچیوه‌سین‌ده بیلگی و تجروبه پایلاشیمی ائد‌جکلرینی قید ائتدی.

تورکیه‌دن ۶ اوزمانین قاتیلدیغی تطبیقی تعلیم ۱۷ آگوست‌دا باشا چاتاجاق.



ایلگیلی‌لی خبرلر