اؤزبکیستان یاتیریمجیلارا شرط‌لری یومشالتدی

اؤزبکیستان حکومتی اؤلکه‌ده سرمایه قویا‌جاق، و یا موسیسه‌لرین سهم‌لرینی ساتین آلا‌جاق خاریجی اؤلکه وطنداش‌لاری اوچون معین اولونموش شرط‌لری یومشالتدی.

اؤزبکیستان یاتیریمجیلارا شرط‌لری یومشالتدی

اؤزبکیستان حکومتی اؤلکه‌ده سرمایه قویا‌جاق، و یا موسیسه‌لرین سهم‌لرینی ساتین آلا‌جاق خاریجی اؤلکه وطنداش‌لاری اوچون معین اولونموش شرط‌لری یومشالتدی.

پرزیدنت شوکت میرضیایف طرفیندن ایمضا‌لانان "اؤلکه‌ده سرمایه موحیطی‌نین یاخشیلاشدیریلماسینا عایید تدبیرلر" قرارینا گؤره، ان آز 200 مین دو‌لار مبلغینده سرمایه قویا‌جاق، و یا موسیسه‌لرین سهم‌لرینی ساتین آلا‌جاق خاریجی اؤلکه وطنداش‌لارینا اوچ ایللیک اؤزبکیستان ویزاسینی مودت‌سیز اولا‌راق اوزاتما حاقی وئریلدی.

سؤزوگئدن قرارلا خاریجی سرمایچی‌لرین ایشتیراکی ایله قورولا‌جاق موسیسه‌لردکی اجنبی‌لرین پایی‌نین ان آزی 30% اولما مجبوریتی 15%-ا ائندیریلدی.

خاریجی سرمایه لی موسیسه‌لرده خاریجی فیزیکی شخص‌لرین ایشتیراکینی محدودلاش‌دیران و یالنیز خاریجی حقوقی شخص‌لرین یئر آلا بیله جگینی معین ائدن طلب ده لغو ائدیلدی.

قرارلا خاریجی سرمایه لی ایستاتوسدا یارادیلا‌جاق موسیسه‌لرین نیظامنامه سرمایه لی‌نین ان آزی 76 مین دو‌لار اولما صرورتی ده 50 مین دو‌لارا ائندیریلدی.

قراردا ایچ ایشلر ناظیرلیگیندن اؤلکه‌نین اونجه لیکلی ساحه‌لرینه بؤیوک مبلغده سرمایه قویا‌جاق اجنبی‌لره "فخری وطنداش" ایستاتوسو وئرمک اوچون تکلیف ایره‌لی سورمه‌سی طلب اولوندو.



ایلگیلی‌لی خبرلر