طوزخورماتویا تورکمن ائلچه‌بایی آتاندی

طوزخورماتودا، ۲۰۰۳دن بری ائلچه‌بایی مقامی تورکمنلرین اعتراضینا باخمایاراق، کوردلرین الین‌ده ایدی

طوزخورماتویا تورکمن ائلچه‌بایی آتاندی

عراق‌دا تورکمنلرین چوخلوق‌دا یاشادیغی صلاح‌الدین ویلایتینین طوزخورماتو ائلچه‌سینه، ۲۰۰۳دن سونرا ایلک دفعه بیر تورکمن ائلچه‌بای(قائم مقام) تعیین ائدیلدی.

ائلچه‌نین یئنی ائلچه‌بایی حسن زین العابدین، اؤنجه‌لیکلی ایشینین ائلچه‌ده ائتنیک و مذهبی عنصورلار آراسین‌داکی باریش ایله بیرلیک‌ده یاشامی تامین ائتمک اولدوغونو ایفاده ائتدی.

ایللردیر ترور سالدیریلاری و سیاسی طرفلر آراسین‌داکی چکیشمه سببی ایله ائلچه ساکینلرین‌ده یورغونلوق میدانا گلدیگینی دیله گتیره‌ن زین العابدین، ائلچه یه یئنی‌دن امنیت، ثابت‌لیک و اومود گتیرمک اوچون بوتون ایمکانلاریمیزی سفربر ائدجییک" دئیه دانیش‌دی.

گوونلیگیه بؤیوک اؤنم وئره‌جکلرینی ده دئین زین العابدین، ائلچه‌نین بو آلان‌دا، عراق مرکزی حکومتینه باغلی گوج‌لرین کنترلونا گئچمه‌سین‌دن سونرا استقرارلی حالا گلدیگینی بیلدیردی.

صلاح‌الدین و کرکوک ویلایتلری آراسین‌دا یئر آلان طوزخورماتودا، تورکمنلرین یانی سیرا، کورد و عربلر ده وار.

ترور هؤرگوتو داعشین، ۱۰ ژوئن ۲۰۱۴ تاریخین‌ده عراقین اوچده بیرینی اله گئچیرمه‌سین‌دن بیر ایل سونرا، ۲۰۱۵ده طوزخورماتودا حشد شعبی و عراق کورد بؤلگه‌سل رهبرلیینه باغلی پئشمرگه آراسین‌دا سلاح‌لی چاتیشما باش وئرمیشدی.

عراق مرکزی حکومتینه باغلی اورتاق گوجلرین، ۱۶ اکتبر ۲۰۱۷ تاریخین‌ده، کرکوک باش‌دا اولماق اوزره دارتیشمالی بؤلگه‌لرده عملیات ائتمه‌سی نتیجه‌سین‌ده، پئشمرگه طوزخورماتودان چکیلمیشدی.

طوزخورماتودا، ۲۰۰۳دن بری ائلچه‌بایی مقامی تورکمنلرین اعتراضینا باخمایاراق، کوردلرین الین‌ده ایدی.



ایلگیلی‌لی خبرلر