کرکوکده پاتلاما

کیم‌لیگی هله معین اولونمایان شخص و یا شخصلر طرفیندن یول کنارینا یئرلشدیریله‌ن بومبا اوزاقدان پاتلادیلدی

کرکوکده پاتلاما

عراقین کرکوک شهر مرکزین‌ده تشکیل اولونان بومبالی سالدیری‌دا اطراف‌داکی ائو، ایش یئری و حرکت حالیندا اولان اتومبیللرده خسارت میدانا گلدی.

کرکوک پلیس ایداره‌سی مطبوعات سوروملوسو آفراسیاو کامل، واسطی سمتین‌ده کیم‌لیگی هله معین اولونمایان شخص و یا شخصلر طرفیندن یول کنارینا یئرلشدیریله‌ن بومبانین اوزاقدان پاتلادیلدیغینی سؤیله‌دی.

سالدیری‌دا جان ایتکی‌سی و یا یارالانما اولمادیغینی دئیین کامل، پاتلامانین اطراف‌داکی ائو، ایش یئری و حرکت حالیندا اولان ماشینلاردا خسارته یول آچدیغینی ایفاده ائتدی.

کامل، پلیسین حادثه ایله باغلی گئنیش آراشدیرما باشلادیغینی قید ائتدی.

عراق باشباخانی حیدر العبادی، دسامبر ۲۰۱۷ده ترور هؤرگوتو داعشین ۳ ایل سورن حربی وارلیغینین سونا چاتدیغینی بیلدیرمیشدی آنجاق هؤرگوته باغلی یاتان حجره‌لر عراق‌داکی بعضی نقطه‌لرده زامان زامان ترور ائیلملری تؤرتمه‌یه داوام ائدیر.


اتیکتلر: عراق , کرکوک , بومبا

ایلگیلی‌لی خبرلر