فرانسا آذربایجانا ضمانت وئردی

امانوئل مکرون ایله آذربایجان پرزیدنتی ایلهام علی‌یئو آراسین‌دا بو گون دوزنلنن گؤروشمه‌یه دایر یازی‌لی آچیقلاما یاییملاندی

فرانسا آذربایجانا ضمانت وئردی

فرانسا، آذربایجان ایله آوروپا بیرلیگی آراسین‌دا ایلین سونونا قدر ایمضالاناجاق یئنی بیر امکداش‌لیق آنلاشماسینا دستگی قونوسون‌دا ضمانت وئردی.

الیزه سارایین‌دان فرانسا پرزیدنتی امانوئل مکرون ایله آذربایجان پرزیدنتی ایلهام علی‌یئو آراسین‌دا بو گون دوزنلنن گؤروشمه‌یه دایر یازی‌لی آچیقلاما یاییملاندی.

آچیقلامادا ایکی لیدئرین، فرانسا ایله آذربایجان آراسین‌داکی ایکی‌لی ایلیشکی‌لری و آذربایجانین قارشیلاشدیغی پروبلئملری مذاکیره ائتدیگی قید اولوندو.

مکرونون ایکی اؤلکه آراسین‌داکی امکداش‌لیق چرچیوه‌سین‌ده، مدنیت و تحصیل ساحه‌سین‌ده آپاریلان ایشلردن دویدوغو ممنونیتی ایفاده ائتدیی بیلدیریلدی.

آچیقلامادا، "فرانسا پرزیدنتی مکرون، پرزیدنت ایلهام علی‌یئوه، ایلین سونونا قدر ایمضالاناجاق اولان آذربایجان ایله آوروپابیرلیگی آراسین‌دا یئنی امکداش‌لیق آنلاشماسی ایله باغلی دستگی قونوسون‌دا ضمانت وئردی" ایفاده‌سینه یئر وئریلدی.

مکرونون عینی زامان‌دا علی‌یئوه، آذربایجان اقتصادینین گوجلندیریلمه‌سی اوچون دستک وئرمه‌یه حاضر اولدوغونو سؤیلدیگی بیلدیریلدی.

ایکی لیدئرین گؤروشمه‌ده داغ‌لیق قاراباغ مسئله‌سینی ده مذاکیره ائتدیکلری بیلدیریلدی. آچیقلامادا، فرانسانین مینسک قروپو ائش باشقانی اولاراق بؤلگه‌ده باریشین ساغلانماسی اوچون مسئولیتی اولدوغو ایفاده‌سینه یئر وئریلدی.

مکرونون علی‌یئوه بو مسئله‌یه دایر بیر حلین تاپیلماسی اوچون چالیشماغا داوام ائدجیینی، روسیا و آمریکا ائش باشقانلاری ایله گلیشمه‌لری یاخین‌دان ایزله‌یه‌جیینی دئدیگی وورغولاندی.

مکرونون گؤروش‌مه‌ده آذربایجان خاریجی ایشلر باخانی ائلمار محمدیاروو ایله ارمنیستان خاریجی ایشلر باخانی ظهراب مناتساکانیانین داغ‌لیق قاراباغ موناقیشه‌سینین حل پروسه‌سی چرچیوه‌سین‌ده بروکسل‌ده جولایین ۱۱ده بیر آرایا گلمه‌سین‌دن دویدوغو موتلولوغو ایفاده ائتدیگی قید اولوندو.



ایلگیلی‌لی خبرلر