قازاقیستاندا قوتلاما

قیرقیزیستان، اؤزبکیستان و تاجیکیستان پرزیدنتلری قازاقیستانا گئتدی

قازاقیستاندا قوتلاما

قیرقیزیستان پرزیدنتی سوورون‌بای جنبکوو، اؤزبکیستان پرزیدنتی شؤوکت میرضیایئو و تاجیکیستان پرزیدنتی امامعلی رحمان، آستانانین باشکند اعلان ائدیلمه‌سینین ۲۰.جی ایلی قوتلامالاری اوچون قازاقیستانا گئتدی.

قازاقیستان پرزیدنتی نورسلطان نظربایئو، پرزیدنتلر جنبکوو، میرضیایئو و رحمان ایله اکسپو کنگره مرکزین‌ده دونن آچیلان آستانا اولوسلارآراسی مالیه مرکزینین تانیتیم توپلانتی‌سیندا ایشتیراک ائتدی.

داها سونرا نظربایئو، مستقیل‌لیک سارایین‌دا قوناق پرزیدنتلره، آستانانین ۲۰.جی ایلی موناسیبتیله ضیافت وئردی.

نظربایئو، بورادا ائتدیگی چیخیشین‌دا، قازاقیستانین ژئوستراتئژیک مرکزی اولان آستانانین، یئنی سیاسی، اقتصادی و سوسیال اینکیشاف مدلینین یارانماسینی تامین ائتدیگینه ایشاره ائد‌رک، آستانانین دونیا اوچون باریش و اویوم مرکزینه چئوریلدیگینه دقت چکدی.

پرزیدنت نظربایئو و قوناقلار، ضیافتین آردین‌دان قازاق ائلی میدانین‌دا آستانانین باشکند اعلان ائدیلمه‌سینین ۲۰.جی ایلدؤنومو موناسیبتیله تشکیل اولونان کونسرته قاتیلدی.



ایلگیلی‌لی خبرلر