اؤزبکیستان و قیرقیزیستان سرحد سورونلارینی دانیشدی

اؤزبکیستان و قیرقیزیستان مستقیل‌لیکلرینی اعلان ائتدیکلری ۱۹۹۱دان بو یانا اوزرین‌ده آنلاشاممادیقلاری ۲۱۷ کیلومترلیک سرحد اوچون یئنی‌دن بیر آرایا گلدی

اؤزبکیستان و قیرقیزیستان سرحد سورونلارینی دانیشدی

اؤزبکیستان و قیرقیزیستان حکومتلری طرفین‌دن سرحدلرین معین ائدیلمه‌سی آماجیلا اولوشدورولان اورتاق چالیشما قروپو، دارتیشمالی بؤلگه‌لره دایر دانیشیقلار آپاردی.

اؤزبکیستان و قیرقیزیستان مستقیل‌لیکلرینی اعلان ائتدیکلری ۱۹۹۱دان بو یانا اوزرین‌ده آنلاشاممادیقلاری ۲۱۷ کیلومترلیک سرحد اوچون یئنی‌دن بیر آرایا گلدی.

اؤزبکیستان خاریجی ایشلر باخانلیغین‌دن وئریلن معلوماتا گؤره، ایکی اؤلکه حکومتلری طرفیندن اولوشدورولان اورتاق چالیشما قروپو، اؤلکه‌نین نامانگان شهرین‌ده بیر آرایا گله‌رک طرفلر آراسین‌دا داها اول آنلاشمت الده اولونمایان سرحد بؤلگه‌لرینه دایر دانیشیقلار آپاردی.

آچیقلامایا گؤره، چالیشما قروپو ایکی اؤلکه آراسین‌دا اؤتن ایل ایمضالانان اورتاق سرحد آنلاشماسینا داخیل اولمایان بؤلگه‌لرده سرحد خطینین معینلشدیریلمه‌سینه دایر ایشلر گؤردو.

قارشی‌لیق‌لی آنلاشما و یاخشی قونشولوق ایلیشکی‌لری روحون‌دا گئچن گؤروشمه‌دن سونرا اؤزبکیستان-قیرقیزیستان اورتاق چالیشما قروپو، دانیشیقلارین نتیجه‌لرینه دایر پروتوکول ایمضالادی.

اؤزبکیستانلا قیرقیزیستان آراسیندا ۵ سپتامبردا ایمضالانان اورتاق سرحد آنلاشماسی، اورتاق سرحدین طرفلر آراسین‌دا آنلاشما الده اولونان مین ۱۷۰ کیلومتره یاخین بؤلومونو معین ائدرکن، قالان ۳۶ دارتیشمالی بؤلگه و یا ۲۱۷ کیلومتر سرحدین معینلشدیریلمه‌سینه یؤنه‌لیک چالیشمالار داوام ائدیر.

 



ایلگیلی‌لی خبرلر