آذربایجاندا جمهورباشقانلیغی سئچیمی باشلادی

سون معلوماتلارا گؤره، اؤلکه‌ده ۵ میلیون ۳۰۹ مین نفر سئچیجی وار

آذربایجاندا جمهورباشقانلیغی سئچیمی باشلادی

آذربایجان‌دا جمهورباشقانلیغی سئچیمی اوچون سس‌‌وئرمه پروسه‌سی آذربایجان ساعاتیلا ۰۸.۰۰ده باشلادی.

آذربایجان‌لی‌لار، یئنی‌دن نامیزد اولان پرزیدنت ایلهام علی‌یئو ده داخیل اولماقلا توپلام ۸ نامیزد آراسین‌دان، اؤلکه‌نی گله‌جک ۷ ایل بویونجا یؤنته‌جک یئنی پرزیدنتینی سئچمک اوچون سس وئریر.

سون معلوماتلارا گؤره، اؤلکه‌ده ۵ میلیون ۳۰۹ مین نفر سئچیجی وار.

سئچیم اوچون یورد ایچی و دیشیندا ۵ مین ۶۴۱ صساندیق قورولدو.

خاریج‌ده یاشایان آذربایجان وطنداشلاری، سسلرینی یاشادیقلاری اؤلکه‌لرده‌کی آذربایجان ائلچیلیکلرین‌ده قورولان صاندیقلاردا وئره‌بیله‌جکلر.

سئچیمی ۵۹ اؤلکه، ۶۰ اولوسلارآراسی هؤرگوتدن ۸۹۰ خاریجی، ۵۸ مین ۱۷۵ یئرلی گؤزلمچی ایزلیه‌ییر.

اؤلکه مطبوعاتینین یانی سیرا ۲۱ اؤلکه‌دن ۱۱۸ خاریجی ژورنالیست ده سئچیمی ایزله‌ییر.

سس وئرمه پروسه‌سی یئرلی ساعاتلا ۱۹.۰۰دا باشا چاتاجاق.

 سئچیم‌ده یئنی آذربایجان پارتیسینین نامیزدی مؤوجود پرزیدنت ایلهام علی‌یئو، بوتؤو آذربایجان خالق جبهه‌سی پارتیسینین نامیزدی قدرت حسنقولیئو، سوسیال-دموکرات پارتینین نامیزدی آراز علی‌زاده، آذربایجان میلی دیریلیش حرکتی پارتیسینین نامیزدی فرج قولیئو، آذربایجان خالق جبهه‌سی  پارتیسینین نامیزدی رازی نوروللایئو، معاصر موساوات پارتیسی نامیزدی حافیظ حاجییئو، مستقیل نامیزد زاهید اوروج، دموکرات پارتی نامیزدی سردار ممدوو یاریشیر.



ایلگیلی‌لی خبرلر