چاووش‌اوغلو آذربایجان‌دا

چاووش‌اوغلو، باشکندی باکی‌دا، پرزیدنت الهام علی‌یئو طرفین‌دن قبول ائدیلدی

چاووش‌اوغلو آذربایجان‌دا

خاریجی ایشلر باخانی مؤولود چاووش‌اوغلو، تورکیه-آذربایجان-پاکیستان خاریجی ایشلر باخانلاری اوچلو گؤروشمه‌سین‌ده ایشتیراک ائتمک اوچون گئتدیگی آذربایجانین باشکندی باکی‌دا، پرزیدنت الهام علی‌یئو طرفین‌دن قبول ائدیلدی.

گؤروشمه‌ده دانیشان علی‌یئو، تورکیه-آذربایجان-پاکیستان خاریجی ایشلر باخانلارینین اوچلو گؤروشمه‌نین اؤنمینه توخونارکن، اوچ اؤلکه آراسین‌دا یئنی امکداش‌لیق مکانیزمینین اولوشدورولاجاغینی دئدی.

تورکیه و آذربایجانین داها اول ده مختلیف اؤلکه‌لرله اوچلو امکداش‌لیق مکانیزملری تشکیل ائتدیگینی خاطیرلادان علی‌یئو بو مکانیزملرین هم ایکی‌لی، هم ده چوخلو ایلیشکی‌لری گلیشدیرن گیریشیملر اولدوغونو بیلدیردی.

علی‌یئو، پاکیستانلا دا قورولاجاق اوچلو امکداش‌لیق مکانیزمینین یاخشی نتیجه‌لر وئرجییندن آرخایین اولدوغونو دا وورغولادی.

گؤروشمه‌ده، بیر آی اول آچیلیشی حیاتا گئچیریلن باکی-تفلیس-قارس دمیر یولو پروژه‌سینه توخونان چاووش‌اوغلو ایسه،

"اؤنوموزده، گئرچکلشدیره‌جگیمیز ترانس آنادولو طبیعی گاز بورو خطی پروژه‌سی (تاناپ) کیمی داها بؤیوک پروژه‌لر ده وار. سیزلرین گؤستردیگی لیدئرلیک سایه‌سین‌ده بیر طرف‌دن، ایکیلی ایلیشکیلریمیز هر بیر ساحه‌ده اینکیشاف ائدیر، دیگر طرف‌دن، بؤلگه‌نین ثابت‌لیگی و اقتصادی قالخینماسی اوچون آذربایجان و تورکیه بؤیوک رول اویناییر" دئدی.

چاووش‌اوغلو، گورجوستان، تورکمنیستان و ایرانلا یارادیلان اوچلو مکانیزملرین، بؤلگه‌نین ثابیتلیگینین ده گوجله‌نمه‌سینی تامین ائدجیینی بیلدیردی.

مؤولود چاووش‌اوغلو، داها سونرا پاکیستان خاریجی ایشلر باخانی خوجا محمد عاصف و آذربایجان خاریجی ایشلر باخانی ائلمار ممدیاروو ایله گؤروشدو.



ایلگیلی‌لی خبرلر