باکی-تیفلیس-قارص دمیر یولو خطینده ایلک سفری قزاقیستان‌دان قارص لیمانینا چاتیب

قاطار ایله قارصا گلن تورکیه جمهوریتی دولت دمیر یول‌لاری نقلیات سهمدار شیرکتی‌نین باش دیرکتورو ویصی کورت، قاطارین قزاقیستان‌دان یولا چیخیب آلات لیمانین‌دان داوام ائده‌رک قارصا چاتدیغینی دئییب

840265
باکی-تیفلیس-قارص دمیر یولو خطینده ایلک سفری قزاقیستان‌دان قارص لیمانینا چاتیب

تاریخی ایپک یولونو جانلان‌دیرا‌جاق باکی-تیفلیس-قارص دمیر یولو خطینده ایلک سفری قزاقیستان‌دان مرسین لیمانینا تاخیل یوکو داشییان قاطار، قارص لیمانینا چاتیب.

آذربایجانین پایتختی باکی‌یا تخمینن 90 کیلومتر مسافه‌دکی آلات لیمانیندا، پرزیدنت رجب طیب اردوغان، آذربایجان پرزیدنتی ایلهام علیئو، قزاقیستانین باش ناظیری باکیتجان ساگینتایئو، اؤزبکیستان باش ناظیری عبدالله آریپوو و گورجوستانین باش ناظیری گیورگی کویریکاشویلی‌نین قاتیلیمی ایله 30 اوکتوبردا رسمی آچیلیشی ائدیلن باکی-تیفلیس-قارص دمیریولو خطینده ایلک قاطار قارص لیمانینا گئدیب.

قاطار ایله قارصا گلن تورکیه جمهوریتی دولت دمیر یول‌لاری نقلیات سهمدار شیرکتی‌نین باش دیرکتورو ویصی کورت، قاطارین قزاقیستان‌دان یولا چیخیب آلات لیمانین‌دان داوام ائده‌رک قارصا چاتدیغینی دئییب.

پروژه‌نین هم تورکیه اوچون، هم ده آسیا و آوروپا اؤلکه‌لری اوچون اؤنملی دهلیز اولدوغونو وورغولایان کورت،

بو" پروژه هم اؤلکه‌میزی تورک جمهوریت‌لری ایله چینه، هم ده چینی آوروپایا باغلایا‌جاق. بو سببله اؤلکه‌میز چوخ اؤنملی بیر دهلیز حالینا گلدی". قیمتلندیرمه‌سینده اولوب.

تورکیه، گورجوستان و آذربایجانین بیرگه پروژه‌سی چرچیوه‌سینده اینشا ائدیلن دمیر یولونون 76 کیلومتری تورکیه، 259 کیلومتری گورجوستان، 503 کیلومتری ایسه آذربایجان اراضی‌لرین‌دن کئچیر.



ایلگیلی‌لی خبرلر