" تاتارلارا قارشی ظلمو دوردورون"

روسیا، 2014ده اوکراینا تورپاغی قیریمی الحاق ائتمیش، سونرا دا قیریم تاتار مجلسی‌نین فعالیتینه سون وئردی

" تاتارلارا قارشی ظلمو دوردورون"

آوروپا پارلمانی، روسیانین الحاق ائتدیگی قیریمدا، تاتارلارا قارشی ائتدیگی ظلمو دوردورماسینی ایسته‌دی.

استرازبورگدا توپلانان آوروپا پارلمانی باش قورولوندا، قیریم تاتارلاری‌نین وضعیتی مذاکیره اولوندو.

قیریم تاتار میلی مجلسی‌نین باشقان یاردیمچی‌لاری علمی عمروو و آحتم چیگؤزه حبس جزاسی وئریلمه‌سینی تنقید ائدن آوروپا پارلمانی عضو‌لری، قرارلارین اینسان حاق‌لارینا ضد اولدوغو و بو سببله ده گئری آلینماسینی ایسته‌دی.

تاتار لیدئرلری‌نین درحال آزادلیغا بوراخیلماسینی، ژورنالیست میکولا سئمئنا حاقین‌داکی بوتون اتهام‌لارین دا دوشورولمه‌سینی طلب ائدن ملت وکیللری، ترور، بؤلوجولوک و آشیریچیلیقلا باغلی قانون‌لارین حیاتا گئچیریلمه‌سی‌نین ایشغال آلتین‌داکی قیریمدا اینسان حاق‌لاری وضعیتینده جدی گئریلمه‌یه یول آچدیغینی بیلدیردی.

عضو‌لر آیریجا قیریمین الحاقی‌نین یاسادیشی اولدوغونو، هم روسیا، هم ده اوکراینا طرفین‌دن ایمضا‌لانان اولوسلارآراسی و آوروپا قانون‌لارینی پوزدوغونو وورغولادی.

روسیا، 2014ده اوکراینا تورپاغی قیریمی الحاق ائتمیش، سونرا دا قیریم تاتار مجلسی‌نین فعالیتینه سون وئردی.

قیریمدا فعالیت گؤسترن روس محکمه‌لری گئچن آی، تاتار لیدئرلر علمی عمرووو 2 ایل، آحتم چیگؤزو ده 8 ایل حبسه محکوم ائتمیشدی.


اتیکتلر: تاتار , قیریم , روسیا

ایلگیلی‌لی خبرلر