تورکجهیه انگل
"40 ایلدن بو یانا داوام ائدن و اؤیرتمنلریمیز طرفیندن سونولان تورکجه و تورک مدنیتی درسلری ریسک آلتیندا"
آلمانیادا بعضی اوخوللاردا تورک اؤیرنجیلره میلی ائیتیم باخانلیغی اؤیرتمنلری طرفیندن سونولان تورکجه و تورک مدنیتی درسلرینین، باشکند برلینده بعضی بلدیهلر طرفیندن انگللنمهیه چالیشیلدیغی بیلدیریلدی.
تورکیهنین برلین ائلچیلیگینین تحصیل مشاویری جمال ییلدیز، وئردیگی یازیلی آچیقلامادا، بو اؤیرتیم ایلیندن اعتباراً برلین میتهده و 2018ین ژانویه آییندان اعتباراً فریدرایشسهاین-کروزبرگ بلدیهلرینین، درسلر اوچون صینیف ایستیفاده اؤدنیشی طلب ائتدیگینی بیلدیردی. ییلدیز،
"بئرلینده تخمینا 40 ایلدن بو یانا داوام ائدن و اؤیرتمنلریمیز طرفیندن آلمان اوخوللاریندا سونولان تورکجه و تورک مدنیتی درسلری ریسک آلتیندا" دئدی.
اوخوللار آچیلدی ایکی هفته اولماسینا باخمایاراق، ایلگیلی اورگانلارا ائدیلن اعتراضلارین و دانیشیقلارین نتیجه وئرمهدیگینه ایشاره ائدن ییلدیز، اؤیرنجیلرین میته بلدیهسی سرحدلری ایچیندکی 17 اوخولدا تورک دیلی درسینه گیرمهدیگینی قید ائتدی.
آلمان مطبوعاتیندا یئر آلان خبرلرده ده میته بلدیهسینین 2017-2018 تدریس ایلینده صینیفلرین ایستیفاده ائدیلمهسی اوچون تخمینا 30 مین یورو طلب ائتدیگی قید اولوندو.
برلینده 100ون اوزرینده اوخولدا 3 مینه یاخین اؤیرنجینین تورکجه و تورک مدنیتی درسلرینده ایشتیراک ائتدیگی ایفاده ائدیلیر.
ملی ائییتیم اؤیرتمنلری طرفیندن وئریلن بو درسلر، بیر چوخ ایالتده چوخ ساییدا طلبه طرفیندن ماراق گؤرور.