صوفیادا "عظمت نومونه‌لری-آذربایجان خالق صنعتی" آدلی سرگی آچیلدی

صوفیا شهرینده، بولقاریستان علم‌لر آکادمی سینین موزه سینده "عظمت نومونه‌لری - آذربایجان خالق صنعتی" آدلی سرگی آچیلدی.

صوفیادا "عظمت نومونه‌لری-آذربایجان خالق صنعتی" آدلی سرگی آچیلدی

صوفیا شهرینده، بولقاریستان علم‌لر آکادمی سینین موزه سینده "عظمت نومونه‌لری - آذربایجان خالق صنعتی" آدلی سرگی آچیلدی.  

آذربایجان مدنیت و توریزم ناظیرلیگی و آذربایجان خالچا موزه سینین دستکی ایله آذربایجانین بولقاریستان‌داکی سفیرلیگی طرفین‌دن تشکیل ائدیلن سرگیده آذربایجانین قدیم تاریخی، زنگین مدنیتی، گونده‌لیک معیشتی، اینجه صنعتینی عکس ائتدیرن موختلیف چئشیدلی (تقریباً 57 عدد ) اثر - زرگرلیک نومونه لری، بزک اشیا‌لاری، تیکمه نومونه‌لری، آذربایجانین خالچاچی‌لیق مکتبی‌نین عنعنه‌لرینی گؤسترن خالچا نومونه لری و س. مادی-مدنیت نومونه‌لری نوماییش ائتدیریلیر.

سرگیده بولقاریستانین یوکسک وظیفه‌لی رسمی‌لری، دیپلوماتیک نماینده‌لیک‌لرینین رهبر و امکداش‌لاری، آذربایجان-بولقاریستان دوستلوق جمعیتی‌نین عضو‌لری، همچنین یارادیجی صنعت تشکیلات‌لاری و اؤزل سئکتورون نماینده‌لری ایشتیراک ائدیب‌لر.

سرگیده همچنین آذربایجان خالق صنعتی‌نین اینجه‌لیک‌لرینی عکس ائتدیرن ویدئودا نوماییش اولونوب و زیارتچی‌لره "آوروپا 2001" ژورنا‌لی‌نین آذربایجانا حصر اولونان خصوصی بوراخیلیشی تقدیم اولونوب. آچیلیش مراسیمین‌دن سونرا قوناق‌لارا آذربایجان میللی طعام لاری تقدیم اولونوب.

سرگی ژوئن آیینین 30-دک داوام ائده‌جک.



ایلگیلی‌لی خبرلر