سیامک میرزایی "سؤزده" ارمنی سوی‌قیریمینی انکار ائتمکله سوچلاندی

تهران عدلیه‌سی طرفیندن سیامک میرزایی‌یه 10 ایل حبس و 2 ایل طبس ائلچه‌سینه سؤرگون جزاسی وئریلمیشدیر

سیامک میرزایی "سؤزده" ارمنی سوی‌قیریمینی انکار ائتمکله سوچلاندی

 

10 ایل حبس و 2 ایل سورگون جزاسی وئریلن مدنی فعال سیامک میرزایی سؤزده ارمنی سوی‌قیریمینی انکار ائتمکله سوچلاندی.

سیامک میرزایی 1395 ایلی تیر آییندا مغاندا گؤزآلتینا آلیناراق اوین حبس خاناسینا گؤندریلدی. میرزایی حاقیندا حاضیرلانان محکمه قراریندا بیر چوخ اتهام یئر آلماقدادیر. "اولوسال گوونلیگی پوزماق آماجی ایله یاسادیشی جمعیت قورماق، آذربایجانلیلاری دونیادا یاشایان باشقا تورکلرله عینی کؤکدن سایماق، قادین حاقلارینی ساوونمایا چالیشماق، تورک بویلاری ایله ایلگیلی گؤرسل حاضیرلاماق، آنادیلینده اییتیمی ساوونماق، عثمانلیلاردان حمایت ائتمک"  بو سوچلامالاردان بعضی‌لریدیر. قرارلار آراسیندا ان دقت چئکن خصوص ایسه میرزایی‌نین "عثمانلی دؤولتینی ساووناراق (سؤزده) ارمنی سوی‌قیریمینی انکار ایچریکلی بیلدیری یایینلاماق"لا سوچلانماسیدیر.

سیرالانان سوچلامالار نتیجه‌سینده، تهران عدلیه‌سی طرفیندن سیامک میرزایی‌یه 10 ایل حبس و 2 ایل طبس ائلچه‌سینه سؤرگون جزاسی وئریلمیشدیر.



ایلگیلی‌لی خبرلر