مرتضی مرادپورون آجلیق اعتصابی 46.جی گونونده

مرتضی مرادپورون آجلیق اعتصابی داوام ائدیر.

46 گوندور آجلیق اعتصابینی سوردورن مرتضی مرادپور آذرین 17سی چهارشنبه گونو کرج زندانیندان تبریز زندانینا آپاریلدی.

20-25 کیلو وئرمه‌سینه باخمایاراق روحیه‌سینین یاخشی اولدوغو بیلدیریلن مرتضی‌نین فیزیکی دورومونون ایسه یاخشی اولمادیغی قید ائدیلیر.

دکترلارین قاراجییر و بؤیرگینده سورون اولدوغونو و داها بؤیوک سورونلار یاشایابیله‌جگینی بیلدیرمه‌سینه باخمایاراق مرتضی ایسته‌دیکلرینه یئتیشینجه‌یه قدر اعتصابی سوردورمکده اصرارلی.

کرج زندانینا سورگون ائدیلن بیر باشقا ملی مدنی محبوس رسول رضوی‌نین ده تبریز زندانینا گئری آپاریلدیغی بیلدیریلیر.