تاریخده بو گون
۱۵ فوریه ۲۰۱۹
میلاددان اؤنجه ۳۹۹.جو ایلین ۱۵ فوریه گونو، اخلاق فلسفهسینین قوروجوسو کیمی قبول ائدیلهن آنتیک یونان فیلوسوفلارینین ان اؤنملیلریندن بیری اولان سقراط، یونان تانریلارینا قارشی گلدیگی سببیله اؤلومه محکوم ائدیلدی.
آلچاق گؤنوللو، پیس آلیشقانلیقلاری و فلسفهدن باشقا بیر ایشی اولمادیغی معلوم اولان سقراطی، باشدا اؤیرنجیسی افلاطون اولماق اوزره یونان گنجلری اوزرینده اونو تقلید ائتمهیه واران درجهده تأثیر یاراتمیشدیر. یونان گنجلری، اونون کیمی یالین آیاق یئرییهرک، ساچلارینی اوزاداراق، آجلیق چکهرک سقراطلیق ائتمهیه چالیشمیشدیلار. سقراطین اؤلومونون آردیندان اونون خاطرهسینی جانلی ساخلاماق اوچون اثرلر قلمه آلیندیغی کیمی بعضی اوخوللار دا قورولدو. بو قورولوشلارین هامیسی سقراطین ایدئولوژیک معنادا حقیقی ایزلهییجیلری اولما ساوی ایله قورولموشدور. بو اوخوللار آراسیندا "مگارا اوخولو"، "کینیکلر اوخولو"، "کیرهنه اوخولو"، "ائلیس ائتریا اوخولو" ساییلابیلر. بو اوخوللار، سقراطین، ایستر شخصیت اؤزللیکلریندن، ایسترسه ده دوشونجهلریندن چوخ درین شکیلده تاثیرلنمیشدیلر.
...
۱۵ فوریه ۱۹۱۴تاریخینده مشهور قازاق آکتور و یؤنتمن شاکن آیمانوو آنادان اولدو. ۱۹۳۳ده آلماتیدا قازاق درام تاتریندا آکتورلوق ایشینه باشلادی. ۱۹۴۷دن ۱۹۵۱ه قدر قازاق تاتری یؤنتمنلیگینی یئریتدی. "قازاق فیلم" سینما استودیوسونون قوروجولاریندان اولان آیمانوو، داها چوخ باتی کلاسیک ادبیاتینین قهرمانلارینی جانلاندیردی، یؤنتدیگی فیلملر قازاق سینماسینین کلاسیکلری حالینا گلمیشدیر.
...
۱۵ فوریه ۱۹۸۹...سووئت اتفاقینین ۹ ایل داوام ائدن افغانیستان ایشغالی، سون بیرلیکلرین چکیلمهسی ایله باشا چاتدی. افغانیستانداکی کمونیست حکومتین، افغانیستانلی مجاهیدلره قارشی سووئت عسگرلرینی اؤلکهیه دعوت ائتمهسی ایله باشلایان ایشغال بویونجا، تخمیناً ۱۵ مین سووئت عسگری و بیر میلیونا یاخین افقانیستان وطنداشی حیاتینی ایتیردی.
ایشغال بویونجا افغانیستانلی مجاهیدلر؛ آمریکا، اینگیلتره و پاکیستاندان دستک آلدی. ساواشین آردیندان ایچ ثابیتلیگین تامین ائدیلهممهدیگی اؤلکهده ۲۰ ایلدن آرتیق زاماندیر ایچ ساواش بوتون شدتیله داوام ائدیر.
...
ترور هؤرگوتو پکاکانین چتهباشی عبدالله اؤجالان، نایروبیده کنیا گوونلیک اورقانلاری طرفیندن یاخالانماسی سونراسی، ۱۵ فوریه ۱۹۹۹ گونو تورک گوونلیک گؤرهولیلرینه تسلیم ائدیلهرک تورکیهیه گتیریلدی. عسگر، پلیس و مولکی وطنداش اولماقلا ۳۰.۰۰۰دن چوخ اینسانین اؤلومونه سبب اولان تروریست باشی اؤجالان، وطنه خیانت و سلاحلی ترور هؤرگوتو قورماق سوچوندان یارفیلاناراق اعداما محکوم ائدیلدی. آنجاق آوروپا بیرلیگی اویوم یاسالاری اساسیندا جزا آغیرلاشدیریلمیش عؤمورلوک حبسه چئوریلدی. حاضردا ایمرالی حبسخاناسیندادیر.
ایلگیلیلی خبرلر
تاریخده بو گون : 22 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخده بو گون: 21 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.