ترافیک سانحهلرینده هر ایل ۱ میلیوندان چوخ انسان اؤلور
راپور، یول قضالاریندا اؤلوملرین، فقیر اؤلکهلرده، زنگین اؤلکهلره نیسبتا اوچ قات داها چوخ اولدوغونو گؤستردی
ترافیک سانحهلرینده هر ایل ۱،۳۵ میلیون نفر حیاتینی ایتیریر.
دونیا ساغلیق هؤؤگوتو ۲۰۱۸ یول گوونلیگی راپورونو یاییملادی.
راپور، یول قضاسی نتیجهسینده یارالانمالارین، ۵ ایله ۲۹ یاشلارینداکی اوشاق و گنجلرده ان اؤنمی اؤلوم سببی کیمی اورتایا چیخدیغینی اورتایا قویدو.
راپور، یول قضالاریندا اؤلوملرین، فقیر اؤلکهلرده، زنگین اؤلکهلره نیسبتا اوچ قات داها چوخ اولدوغونو گؤستردی.
ترافیک قضالاریندا اؤلوم نیسبتینده آفریقا ایلک سیرادا گلیر.
۱۰۰ مین نفر اساس آلدیغیندا، بو قارهده ۲۶،۶ نفر یول قضاسی نتیجهسینده حیاتینی ایتیریر. بو نیسبت، آوروپادا ۹،۳.
۲۰۱۶.جی ایلین گؤستریجیلرینه گؤره، بو رقم تورکیهده ایسه ۱۰۰ مین نفرده ۱۲،۳ نفر.
ترافیک قضالاری سونوجو اؤلنلرین یوزده ۲۶سینی پیادالار و بیسیکلت سوروجولری اولوشدورور.
یول قضالاریندا اؤلنلرین یوزده ۲۸ی ایسه موتورسیکلت سوروجولری و ترکده اوتورانلار.
آنجاق، بعضی بؤلگهلرده موتورسیکلت سوروجولری و ترکده اوتورانلارین اؤلوم نیسبتی چوخ داها آرتیق. مثلاً، گونئی دوغو آسیادا یول قضالاریندا اؤلن موتورسیکلت سوروجولری و پیادالارین نیسبتی یوزده ۴۸، قباتی پاسیقیک اؤلکهلرینده یوزده ۳۶.
دونیادا یول قضالاریندا اؤلنلرین یوزده ۴۴و آفریقا، یوزده ۳۶سی دوغو آغ دنیز اؤلکهلریندن.
راپوردا، دونیانین دؤرد بیر طرفینده اؤلکهلرین نقلیات قانونلاری دا اینجهلمه آلتینا آلیندی.
بونا گؤره، ۳ میلیارد اینسانین یاشادیغی ۴۶ اؤلکهده تطبیق ائدیلهن سرعت سینیری، یول قضالارینین ساییسینین آشاغی دوشمهسینده اؤنملی رول اویناییر.
یئنه ۲،۳ میلیارد اینسانین یاشادیغی ۴۵ اؤلکهده الکللو اتومبیل سورولمه سینه گتیریلن قاداغا و ۲،۷ میلیارد اینسانین یاشادیغی ۴۹ اؤلکهده موتورسیکلتده کاسک تاخما ضروریلیگی ده اؤلو سایینین آشاغی دوشمهسینده اؤنملی رول اویناییر.
بونلاردان بلکه ده ان اؤنملیسی ایسه ۵،۳ میلیارد اینسانین یاشادیغی ۱۰۵ اؤلکهده گتیریلن کمر تاخما مجبوریتی.
ایلگیلیلی خبرلر
روسیهده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب