آمریکانین کالیفورنیا ایالتی‌ مئشه یانغین‌لاری سببین‌دن اؤلن‌لرین ساییسی 23ه یوکسلیب

سیرا نئوادا داغ‌لاری اتک‌لرینده جمعه گونو باشلایان یانغین ایالت تاریخی‌نین ان داغیدیجی یانغینی، ان چوخ جان ایتکی‌سی‌نین باش وئردیگی 3ونجو بؤیوک یانغین اولدو

abd california yangin2.jpg
abd california yangin1.jpg

آمریکانین کالیفورنیا ایالتی‌نین شمالیندا مئشه یانغین‌لاری سببین‌دن اؤلن‌لرین ساییسی 23ه یوکسلیب.

بوتا بؤلگه‌سی کلانتری کوری هونا، ائتدیگی مطبوعات آچیقلاماسیندا، سانفرانسیسکونون تخمینن 290 کیلومتر شمال-شرقین‌دکی پارادیس قصبه و اطرافینی تأثیری آلتینا آلان یانغیندا 14 نفرین داها جان‌سیز بد‌نینه چاتدیریلدیغینی، عمومی جان تلفاتی‌نین 23ه یوکسلدیگینی قئید ائدیب.

سیرا نئوادا داغ‌لاری اتک‌لرینده جمعه گونو باشلایان یانغین ایالت تاریخی‌نین ان داغیدیجی یانغینی، ان چوخ جان ایتکی‌سی‌نین باش وئردیگی 3ونجو بؤیوک یانغین اولدو.

کولیین تأثیری ایله یاییلماغا داوام ائدن یانغین 404 کیلومترلیک بیر ساحه‌یه چاتیب.

یانغین‌لار سببین‌دن باشدا پارادیس قصبه‌سی اولماقلا منطقه‌دکی تخمینن 7 مین بینا دا ضرر گؤردو.

دیگر طرف‌دن، جنوبدا ده لوس آنجلسین غربین‌دکی مالیبو شهرینی ده بوروین یانغین‌لار سببین‌دن ایالت میقیاسیندا جمعی 300 مین نفر تخلییه امری وئریلیب.

آمریکا پرزیدنتی دونالد ترامپ، بوددا، ونتورا و لوس آنجلسه باغلی حومه'‌لره فدرال یاردیم تامین اولونماسی اوچون عاجیل وضعیت اعلان ائدیب.

ترامپ توئیت حسابین‌دان وئردیگی آچیقلامادا،

قلبیمیز بو یانغین‌لارلا ساواشان یانغین سؤندورمه امکداش‌لاری، تخلییه ائدیلن خالق و هلاک اولان‌لارین عائله‌لری ایله. یانغینداکی خسارت  فلاکت سویه‌ده. تانری هر کسی قوتساسین." ایفاده‌لرینی ایستیفاده ائتدی.

توئیت دونن باشقا بیر پایلاشیمدا اولان ترامپ،

کالیفورنیادا بو قدر بؤیوک میقیاس‌لی، اؤلومجول و دگرلی مئشه یانغین‌لارینا احتیاج یوخدور. هر ایل میلیاردلارلا دو‌لار و جان وئریلیر، بوتون بون‌لارین سببی مئشه‌لرین بؤیوک نیسبتده پیس ایداره ائدیلمه‌سی. ایندی چاره تاپین، یا دا داها چوخ FED اؤده'نگی یوخ"! آچیقلاماسیندا ائتمیشدی.

ترامپین بو آچیقلاماسی بؤیوک اعتراض چکمیشدی.



ایلگیلی‌لی خبرلر