سرطان: هر ۵ کیشی و هر ۶ قادین‌دان بیری...
دونیا سرطان آراشدیرمالاری آژانسینین ۱۸۵ اؤلکه‌دن الده ائتدیگی معلوماتلار پایلاشیلدی
دونیا ساغلیق هؤرگوتو، ۲۰۱۸ده سرطاندان دولایی تخمینی ۹،۶ میلیون نفرین حیاتینی ایتیرجگی و قلوبال سرطان یوکونه ده ۱۸،۱ میلیون یئنی اولقونون علاوه اولوناجاغینی بیلدیردی.
دونیا ساغلیق هؤرگوتونه باغلی اولوسلارآراسی دونیا سرطان آراشدیرمالاری آژانسینین قلوبال سرطان یوکونه دایر یئنی راپورو آچیقلاندی.
راپور‌دا، دونیادا سرطان حاللارینا بو ایل تخمینا ۱۸،۱ میلیون یئنی‌سینین علاوه اولوناجاغی و ۹،۶ میلیون اینسانین دا سرطاندان حیاتینی ایتیرجیی معلوماتینا یئر وئریلدی.
قلوبال میقیاس‌دا هر ۸ کیشی‌دن بیری و هر ۱۱ قادین‌دان بیرینین، بو ایل سرطان‌دن اؤلجه‌گی اویاریسی ائدیله‌ن راپور‌دا، دونیادا حاضردا سون ۵ ایللیک دؤورده سرطان تشخیصی قویولان تخمیناً ۴۳،۸ میلیون نفرین یاشادیغی قید اولوندو.
راپور‌دا، سرطان یوکونون چوخالماسین‌دا ان اؤنم‌لی عامللر ایسه دونیا جمعیتینین آرتماسی، قوجالیق و دیگر اقتصادی و سوسیال عامللر اولاراق گؤستریلدی.
دونیادا سرطان اولقولارینین یوزده ۲۳،۴ونون و اؤلوم حاللارینین یوزده ۲۰،۳نون آوروپادا، ان چوخ سرطان اؤلوملرینین ایسه یوزده ۶۰ ایله آسیا قاره‌سین‌ده باش وئردیگی معلوماتینا یئر وئریلدی.
جمعیتین یوزده ۱۳،۳ونو تشکیل ائدن آمریکا قاره‌سین‌ده ایسه سرطان حاللارینین یوزده ۲۱، اؤلوملرینین ده یوزده ۱۴،۴ اولدوغو بیلدیریلدی.
دونیا سرطان آراشدیرمالاری آژانسی راپورون‌دا، سرطان حاللاری ایچین‌ده آغجییر سرطانینین ان اؤلومجول اولدوغو، بونو قادینلاردا ممه سرطانی و کولورکتال سرطانلارین ایزلدیگی معلوماتی پایلاشیلدی.
راپور‌دا آیریجا توتونون قارشی‌سینین آلینماسینا یؤنه‌لیک کامپانیالارین، تارامالارین و اینسان پاپیللوما ویروسو آشیلاماسی کیمی تدبیرلرین سرطان حاللارینین آزالماسینا کؤمک‌چی اولاجاغی وورغولاندی.
دونیا سرطان آراشدیرمالاری آژانسینین ۱۸۵ اؤلکه‌دن الده ائتدیگی معلوماتلاردان حاضرلانان راپور‌دا، هر ۵ کیشی‌دن و هر ۶ قادین‌دان بیرینین حیاتی بویو سرطانا توتولاجاغی قید ائدیلدی.
güney sudan gıda krizi.jpg?time=1542473723)
