قاسیرغا اؤلکه‌نی فلج ائتدی

سرعتی ساعات‌دا ۲۰۰ کیلومتره چاتان کولک نتیجه‌سین‌ده آغاجلار کؤکون‌دن چیخدی، ساحللرده نه وارسا اقیانوسا سوروکلندی

japonya jebi tayfunu2.jpg
japonya jebi tayfunu1.jpg

دونن ژاپنو ووران و حیاتی فلج ائد‌ن جبی قاسیرغاسی سببی ایله ۱۱ نفر حیاتینی ایتیردی، ۳۰۰دن چوخ انسان یارالاندی.

اؤلو ساییسینین آرتماسی اوزرینه ۲ میلیون اینسان بؤلگه‌دن تخلیه ائدیله‌جک.

سرعتی ساعات‌دا ۲۰۰ کیلومتره چاتان کولک نتیجه‌سین‌ده آغاجلار کؤکون‌دن چیخدی، ساحللرده نه وارسا، اقیانوسا سوروکلندی.

شدت‌لی کولک‌ده سوروکله‌نن یوزلرجه ماشین دا ضرر گؤردو.

بعضی گمیلر ایسه قورویا اوتوردو.

قاسیرغا سببیله کان‌سای اولوسلارآراسی هاواآلانی سولار آلتین‌دا قالدی.

اوچوشلارین دوردوغو هاوا لیمانین‌داکی ۳ مین یولچو قاییقلارلا تخلیه ائدیلدی.

شدت‌لی کولکلر سببی ایله کنترلدان چیخان بیر یاناجاق تانکری، هاوالیمانینی اوساکاداکی ایزومیسانو شهرینه باغلایان کؤرپویه چارپدی.

قضا، هاوا لیمانینا گئدن اتومبیل یولو و دمیر یولو باغلانتی‌لارینی کسرکن، مینلرجه یولچو گئجه‌نی هاوا لیمانین‌دا گئچیرمک مجبوریتین‌ده قالدی.

هاوا نقلیاتینا هله ده قاپالی اولان هاوا لیمانین‌دا، بعضی بؤلوم‌لرده الکتریک یوخ.

هاوا لیمانینین اوچاق ترافیکینه نه واخت یئنی‌دن آچیلاجاغی هله بیلینمیر.

سون ۲۵ ایلده ژاپن ووران ان شدت‌لی قاسیرغا اولان جبی قاسیرغاسی سببیله بؤیوک مادی زیان دا میدانا گلدی.


اتیکتلر: قاسیرغا , جبی , ژاپن

ایلگیلی‌لی خبرلر