"خزر دنیزینین قوروما احتیمالی وار"

حسین‌زاده، اؤلکه‌ده‌کی منفی طبیعی و بشری شرطلرین بصره کؤرفزینی ده تهدید ائتدیگینی ادعا ائتدی

"خزر دنیزینین قوروما احتیمالی وار"

ایران مجلیسی چئوره قروپونون عضوو ملت وکیلی عبدالکریم حسین‌زاده، طبیعی و بشری عامللرین خزر دنیزینین اکوسیستمینی تهدید ائتدیگینی و بو وضعیتین دنیزین قوروماسینا یول آچابیله‌جیینی ادعا ائتدی.

باتی آذربایجان ایالتینه باغلی نقده شهری ملت وکیلی اولان حسین‌زاده، حکومتین دوزگون پلانلاما و بودجه آییریمی ایله اؤلکه‌نین اؤنم‌لی وارلیقلارین‌دان بیری اولان خزر دنیزینین قوروماسینین اؤنونه گئچه‌بیله‌جگینی دئدی.

ایران مجلیسی خبر آژانسینا دانیشان حسین‌زاده، "خزر دنیزینین گله‌جک‌ده قوروما احتیمالی وار" دئدی.

مجلیس و حکومتین بو مسئله‌یه بیگانه قالماماسی لازیم اولدوغونو بیلدیر‌ن حسین‌زاده، طبیعی و بشری پروبلئملرین حلی اوچون گئنیش و اوزون مدت‌لی پروژه‌لرین گلیشدیریلمه‌سینه احتیاج دویولدوغونو ایفاده ائتدی.

حسین‌زاده آیریجا اؤلکه‌ده‌کی منفی طبیعی و بشری شرطلرین بصره کؤرفزینی ده تهدید ائتدیگینی ادعا ائتدی.

ایران‌دا سون ایللرده تأثیرینی گؤستره‌ن قوراق‌لیق سببی ایله باتی آذربایجان ایالتین‌ده‌کی اورمو گؤلو، اصفهان‌داکی زاینده رود کیمی سو قایناقلارینین بؤیوک بیر قیسمی قورودو.

اؤلکه‌ده‌کی قوراق‌لیق اکینچیلیگه منفی تأثیر ائدرکن اکینچی‌لیک ایله گئچینن کسیملری ده شهر مرکزلرینه دوغرو کؤچمه‌یه مجبور ائدیر.



ایلگیلی‌لی خبرلر