آمریکا‌نین کالیفورنیا ایالتینده مئشه یانغین‌لاری دئوام ائدیر

یانغینلا موباریزه تحصیلی گؤرن مینیموم امنیت حبسخانالاریندان‌ تخمینن 2 مین محکومون دا یانغین سؤندورمه فعالیت‌لرینه قاتیلدیغی ایفاده ائدیلدی

آمریکا‌نین کالیفورنیا ایالتینده مئشه یانغین‌لاری دئوام ائدیر

آمریکا‌نین کالیفورنیا ایالتینده 7 نفرین اؤلومونه یول آچان و حالا دئوام ائدن مئشه یانغین‌لاری 14 مین یانغین سؤندورن، عسگر و محکوم موباریزه ائدیر.

کالیفورنیا یانغین سؤندورمه آژانسی وئردیگی آچیقلامادا، ایالتین بیر چوخ یئرینده داوام ائدن یانغینیچین بعضی‌لری دیگر اؤلکه‌لردن گلن 12 مینه قدر یانغینسؤندورن وظیفه لندیریلدیگی بیلدیریلدی.

یانغینلا موباریزه تحصیلی گؤرن مینیموم امنیت حبسخانالاریندان‌ تخمینن 2 مین محکومون دا یانغین سؤندورمه فعالیت‌لرینه قاتیلدیغی ایفاده ائدیلدی.

دیگر طرف‌دن، مین‌دن چوخ یانغینسؤندورمه ماشینی‌نین، 59 بولدوزئر، 22 تانکر اوچاق، 17 اوچاق و 12 هلیکوپترین سؤندورمه ایشلرینده یئر آلدیغی قئید اولونوب.

مندوکینو میللی مئشه‌سی مرزی و لیک ایله کولوسا بؤلگه‌لری آراسین‌داکی مرز بؤلگه لری بویونجا تأثیرلی اولان آلوو‌لار مین 176 کیلومتر مربع دن چوخ مئشه و چایرلیق ساحه‌یه چاتا‌راق لوس آنجلس شهری بؤیوکلوگون‌دکی بؤلگه یوخ ائتمیشدی.

کالیفورنیا یانغینسؤندورمه مقام‌لاری، ایالت تاریخی‌نین ان بؤیوک یانغینی کیمی سجیه‌لن‌دیریلن و ایالتین بیر نچه یئرینده داوام ائدن یانغین‌لارین آی سونونا قدر داوام ائتمه‌سین‌دن ناراحات‌لیق ائدیلدیگینی بیلدیرمیشدی.

یانغیندا 7 نفر اؤلورکن، مین 500 بینا کول اولدو.

آمریکا پرزیدنتی دونالد ترامپ، توئیتر حسابین‌دان وئردیگی آچیقلامادا، کالیفورنیا‌داکی یانغین‌لارین بؤیومه‌سین‌دن "پیس چئوره سیاست‌لری ایجرا ائدن" ایالت رسمی‌لری‌نین و "سویو لازیم اولدوغو کیمی ایستیفاده ائتمه‌ین" یانغینسؤن‌دورن‌لری مسئول توتدو.

ایالت مقاملاری و یانغین سؤندورمه متخصص‌لری ایسه ترامپا جواب وئرمکده گئجیکممیش و "یانغین‌لاری سؤن‌دورمک اوچون یئترلی سویون اولدوغونو"، همچی‌نین "گوج‌لو و داغیدیجی یانغین‌لارا ایقلیم دییشیک‌لیگی‌نین سبب اولدوغونو" ایفاده ائتمیشدی.



ایلگیلی‌لی خبرلر