زلزله‌ده اؤلنلرین ساییسی آرتیر

"اؤلو و یارا‌لی ساییسی‌نین آرتماسین‌دان قایغی دویوروق"

زلزله‌ده اؤلنلرین ساییسی آرتیر

عراقدا میدانا گلن 7،2 بؤیوکلوگونده دئپرمده، ایلک حسابلاما‌لارا گؤره سلیمانیه‌ده 7، ایراندا ایسه 207 نفر اؤلدو، مین 2504 نفر یارالاندی.

آمریکا ژئولوژی آراشدیرما‌لار قورومو، عراقین ایران سرحدینه یاخین حلپچه شهری‌نین 32 کیلومتر گونئی باتیسیندا 7،2 بؤیوکلوگونده بیر زلزله میدانا گلدیگینی بیلدیردی.

دهوک و اربیلین یانی سیرا، بغداددا دا قورخویا سبب اولان زلز‌له، بغداددا 20 ثانیه، باشقا شهرلرده ایسه داها اوزون حس ائدیلدی.

عراق-ایران سرحدینده یئرلی ساعاتلا 00.33ته 4.8 بؤیوکلوگونده بیر زلز‌له باش وئردی. خالق گئجه‌نی کوچه‌لرده گئچیرتدی.

سلیمانیه دربندخان قائم مقامی نصیح ملا حسن، وئردیگی آچیقلامادا، زلز‌له‌ده دربندخاندا 4 نفرین حیاتینی ایتیردیگینی ایفاده ائتدی.

کلار ائلچه‌سی ساغلیق ایداره‌سی ایسه 2 نفرین حیاتینی ایتیردیگینی آچیقلادی.

عراق کورد بؤلگه‌سل یؤنه‌تیمی سلیمانیه ائلچه ساغلیق مودورو میرخان محمد، زلز‌له‌ده سلیمانیه دربندخان ائلچه‌سینده ایلک تعیین ائتمه‌لره گؤره 50 نفرین یارالاندیغینی قئید ائدیب.

تسنیم خبر آژانسینا آچیقلاما وئرن ایران مجلیسی‌ نماینده‌سی فرهاد تجری ایسه، گئجه ساعات‌لاریندا میدانا گلن زلز‌له‌نین آردیندان قصر شیرین، سرپل ذهاب و ثلاث باباجانی‌ده 155 نفرین اؤلدوگونو، مین 500ون اوزرینده اینسانین یارالاندیغینی دئدی.

ایران دؤولت تلویزیونونا دانیشان کرمانشاه ایالتی والی یاردیمچیسی مجتبی نیک‌کردار دا ییخینتی آلتیندا چوخ ساییدا اینسان اولدوغونو دیله گتیردی.

نیک‌کردار،

"یارین گونون آغارماسی ایله هلیکوپترلرله کندلرده خسارت تعیینی ایشلری آپاریلا‌جاق. اؤلو و یارا‌لی ساییسی‌نین آرتماسین‌دان قایغی دویوروق" شکلینده دانیشدی.

تورکیه‌نین گونئی شهرلریندن دیارباکیر، باتمان، ماردین، شیرناک، حاکاری، وان و موشدا سارسینتی خس ائدن وطنداش‌لار ائولرین‌دن دیشاری چیخدی.

بو آرادا، دیارباکیردان 30 نفرلیک آختارما قورتارما قروپو، زلز‌له بؤلگه‌سینه گؤندریلدی.

تورک قیزیل‌آیی دوغو آنادولو بؤلگه فلاکت یؤنه‌تیم مرکزینده وظیفه‌لی قروپلار ده زلز‌له‌نین آردین‌دان حرکته گئچدی.

موشون حاصکؤی ائلچه‌سین‌ده‌کی آنبارلاردان تریلرلره یوکلنن مین چادیر، زلز‌له بؤلگه‌سینه چاتدیریلماق اوزره یولا چیخدی.

آدانا‌دان دا بؤلگه‌یه 10 تریلر یاردیم  گؤندریلدی.

زلز‌له‌دن ضررچکن‌لرین بارینما احتیاجینین قارشیلانما‌سی مقصدیله آغ دنیزی بؤلگه فلاکت یؤنه‌تیم مرکزین‌دن 560 چادیر، 2 مین یاتاق، مین پتو و مین 100 قیزدیریجی‌لاری، بؤلگه‌یه چاتدیریلماق اوزره تریلر‌لره یوکلندی.

ساغلیق باخانلیغین‌دان وئریلن آچیقلامادا ایسه باش قرارگاه‌دان خابور سرحد قاپی‌سینا گله‌بیله‌جک خسته و یارا‌لی‌لارین ترانسفری اوچون اسکورسکی تیپی هلیکوپتر طلب ائتدیگی بیلدیریلدی.



ایلگیلی‌لی خبرلر