آرال گؤلونو قورتارماق اوچون اؤزل ایلگی

آنلاشما‌لارلا، سولاری یوزده 10 سویه‌لرینه دوشن و چؤل اولماقلا قارشی قارشییا قالان آرا‌لی قورتارماق اوچون بیرلیکده چالیشما و تکنیکی دستک تامین ائتمک آماجلانیر

آرال گؤلونو قورتارماق اوچون اؤزل ایلگی

تورکمنیستان‌دان، آرال گؤلونون قورتاریلماسینا اؤزل ایلگی وار.

آرال گؤلونده سولارین چکیلمه‌سین‌دن قایناقلی چئوره فاجعه‌سی، سووئت اتفاقی‌نین داغیلماسین‌دان سونرا مستقیل‌لیگینی اعلان ائدئن اورتا آسیا اؤلکه‌لرینی تدبیر گؤرمه‌یه سؤوق ائتدی.

 5 اورتا آسیا اؤلکه‌سی تورکمنیستان، قازاقیستان، اؤزبکیستان، قیرقیزیستان و تاجیکیستان دؤولت باشقان‌لاری‌نین قراری ایله 1993.جو ایلده اولوسلارآراسی آرال دنیزی فوندو یارادیلدی. فوندون 2017-2019.جو ایللر ایجرا کومیته‌سی دؤنم باشقانلیغینی تورکمنیستان یئریدیر.

ژوئن آییندا عشق‌آباددا، تورکمنیستانین باشقانلیغی دؤورونده فوندون ایشینی یئریده‌جگی بیر اوفیس آچیلمیش و آرا‌لی قورتارما اولوسلارآراسی فوندو ایجرا کومیته‌سی باشقان‌لیغینا دا گوزگلدی بایجانوو تعیین اولونموشدو. تورکمنیستان دؤولت باشقانی قوربانقولو بردی‌محمدوو، ژوئن آییندا عشق‌آبادداکی اوفیسین آچیلماسی موناسیبتیله یاییملادیغی مئساژدا،

"باشقانلیغی دؤورونده تورکمنیستان، فوندون اولوسلارآراسی پروفیلی‌نین جامع و سوردوروله‌بیلیر دوروما یوکسلتیلمه‌سی اوچون ماکسیموم چابا گؤستره‌جک و قلوبال فلاکت‌لرله مباریزه‌کی اؤنمینی گوجلندیرمک اوچون لازیم بوتون تدبیرلری گؤره‌جک‌دیر" دئمیشدی.

عشق‌آباددا، دؤولت باشقانی قوربانقولو بردی مجمدووون بو سؤزلرینی تصدیق ائدن ایکی آنلاشما ایمضالاندی. فوند ایجرا کمیته‌سی باشقانی، فدرال آلمانیا اولوسلارآراسی امکداش‌لیق جمعیتی و اورتا آسیا بؤلگه‌سل ائکولوژی مرکزی ایله امکداش‌لیق آنلاشما‌سی ایمضالادی.

آنلاشما‌لارلا، 40 ایل اوله گؤره سولاری یوزده 10 سویه‌لرینه دوشن و چؤل اولماقلا قارشی قارشییا قالان آرا‌لی قورتارماق اوچون بیرلیکده چالیشما و تکنیکی دستک تامین ائتمک آماجلانیر.


اتیکتلر: تورکمنستان , آرال

ایلگیلی‌لی خبرلر