آمریکادا ایرما، فیرتینایا چئوریلیر

آمریکانین فلوریدا ایالتینده تأثیرلی اولان ایرما قاسیرغاسی‌نین شدت‌لی تروپیک فیرتینایا چئوریلمه‌سی گؤزلنیلیر

آمریکادا ایرما، فیرتینایا چئوریلیر

ایرما، فیرتینا چئوریلیر

آمریکانین فلوریدا ایالتینده تأثیرلی اولان ایرما قاسیرغاسی‌نین شدت‌لی تروپیک فیرتینایا چئوریلمه‌سی گؤزلنیلیر.

ایالتینده جنوب ساحل‌لرینده دونن (بازار) 210 کیلومتر سرعتله دؤردونجو کاتقوریده ووران ایرما قاسیرغاسی‌نین شیدتی قوزئی-باتی‌یا دوغرو حرکت ائدرکن اؤنجه اوچونجو، سونرا ایسه ایکینجی کاتقوریایا دوشدو.

آمریکا میللی قاسیرغا مرکزی‌نین ائتدیگی آچیقلامادا، ایرمانین، شیدتی آزالساسا هله ده ریسکلی اولان ایرمانین، ساعتدا 160 کیلومتر سرعتله فلوریدانین قوزئی- باتی‌سیندا اولان 3 میلیون اها‌لی‌سی اولان تامپایا دوغرو گئتدیغی ایفاده ائدیلدی.

بون‌دان باشقا، قاسیرغانین فلوریدانین قوزئی‌ینده و جورجیانین گونئینده تروپیک فیرتینایا چئوریلمه‌سی گؤزلنیلیر.

کئچمدیغی یئرلرده بؤیوک زیانا، سو باسقینا و سئله سبب اولان قاسیرغا تخمینن 4 میلیون ائو و ایش یئرینین برقی کسیلدی. الکتریک کسیلمه‌سی سببیله، صاباحا قدر جادده‌یه چیخماق غیری-قانونی اعلان ائدیلدی. قاسیرغا آغاج‌لارین دوشمه‌سینه و ائولرین دام‌لارینین اوچماسینا سبب اولدو. آغیر کولک سببی ایله مایامی‌ده ایکی و فورت لاودرده بیر وینچ چئوریلدی. قاسیرغا سببیله، ایالتین هفته سونو تخمینن 9.000 اوچوشو لغو ائدیلدی.

بو آرادا، ایرما قاسیرغاسین‌دان ضرر گؤرن مایامی بین الخالق هاوا لیمانی بو گون باغلانیلاجاغی بیلدیریلدی.

مسئوللار ایرما قاسیرغاسی سببیله اوچ نفرین اؤلدوگونو سؤیله‌دی.

قاسیرغا آمریکایا چاتما‌دان اؤنجه کاریب‌لرده 28 نفرین حیاتینی ایتیرمه‌سینه سبب اولدو.

ایرما قاسیرغاسی‌نین اؤلکه‌نین تاریخی‌نین ان بؤیوک تهلوکه‌سینه سبب اولدوغو بیلدیریلدیگی کیمی، فلوریدا ایالتینده اها‌لی‌نین تخمینن 3ده بیری (6.5 میلیون نفر) تخلیه‌ ائدیلمه‌یه مجبور ائدیلدی. شما‌لی کارولینا، جنوبی کارولینا، جورجیا و ویرجینیا

ایالتلرینده قیسیمن و یا ایالتین بوتونونده فوق ا‌لعاده حال اعلان ائدیلمیش‌دیر.



ایلگیلی‌لی خبرلر