بیرلشمیش میللتلر تشکیلاتی بودجه سی بیر تورکه امانت

جیهان ترزی، بیرلشمیش میللتلر تشکیلاتینین یؤنتیم و بودجه مشورت کمیته‌سی باشقانلیغینا سئچیلدی

بیرلشمیش میللتلر تشکیلاتی بودجه سی بیر تورکه امانت

بیرلشمیش میللتلر تشکیلاتینین ۱۰ میلیارد دلارلیق بودجه‌سینی بیر تورک یؤنته‌جک.

 جیهان ترزی، بیرلشمیش میللتلر تشکیلاتینین ایداره و بودجه مشورت کمیته‌سی باشقانلیغینا سئچیلدی.

بیرلشمیش میللتلر تشکیلاتینین باش قورولو طرفین‌دن ۲۰۱۷.-جی ایلده یؤنتیم و بودجه کمیته‌سینه عضو اولاراق تعیین اولان ترزی، ۱ ایل بو وظیفه‌ده قالدیق‌دان سونرا بیرلشمیش میللتلر تشکیلاتینین ایللیک اورتالاما ۱۰ میلیارد دلارلیق بودجه‌سینین شکیللندیگی یؤنتیم و بودجه مشورت کمیته‌سی باشقانلیغینا گتیریلدی.

 ۱ ژانویه ۲۰۱۹دا وظیفه‌سینه باشلایاجاق اولان ترزی، بیرلشمیش میللتلر تشکیلاتینداکی ان اوست سویه مقاملاردان بیری اولان کمیته عضوو و باشقانلیغینا سئچیلن ایلک تورک اولدو.

بیرلشمیش میللتلر تشکیلاتی باش قورولونا باغلی اولاراق چالیشان کمیته‌نین ۱۶ عضوو وار.

بیرلشمیش میللتلر تشکیلاتینداکی بوتون بودجه، اداری و مالی قرارلار، یؤنتیم اصلاحاتلاری و پرسنل آلیشلاری ایداره و بودجه مشورت کمیته‌سین‌دن گئچیر.

بیرلشمیش میللتلر تشکیلاتینین ایللیک تخمیناً ۱۰ میلیارد دلاری اولان عمومی بودجه‌سی ده ترزی‌نین باشقانلیغینی ائدجگی ایداره و بودجه مشورت کمیته‌سین‌ده شکیلله‌نیر.

 کمیته، ایداره‌نین بودجه، پرسنل و یؤنتیم فعالیتلرینی ائتکینلیک، وئریملیلیک و بیرلشمیش میللتلر قانون و پرینسیپلری باخیمین‌دان آراشدیریب دگرلندیره‌رک بیرلشمیش میللتلر تشکیلاتی باش قورولونا نهایی قرارلار اوچون راپورلار سونور.



ایلگیلی‌لی خبرلر