آوروپا بیرلیگی ایله ایتالیا بودجه‌سی مسئله سینده آنلاشدی

آوروپا بیرلیگی ایله ایتالیا آراسیندا 2019-جی ایلین بودجه‌سی ایله باغلی آنلاشیلمازلیق آرا‌دان قالخدی.

آوروپا بیرلیگی ایله ایتالیا بودجه‌سی مسئله سینده آنلاشدی

آوروپا بیرلیگی کومیسیونو صدری‌نین معاوینی والدیس دومبرووسکیس بلژیک-ین پایتاختی بروکسل-ده کئچیردیگی مطبوعات کنفرانسیندا ایتالیا ایله 2019-جو بودجه‌سینه دایر آنلاشیلمازلیغین آرا‌دان قالخدیغینی بیلدیردی.

دومبرووسکیس: "ایتالیا ایله 2019-جو ایل بودجه‌سینه دایر سون هفته‌لرده آپاریلان گرگین موذاکیره‌لر اوغورلا نتیجه‌لندی" ایفاده‌سینی ایشلتدی.

صدر معاوینی ایتالیانین آوروپا بیرلیگی کومیسیونونا تقدیم ائتدیگی یئنی بودجه‌نین آوروپا بیرلیگی طرفیندن باشلادیلان بودجه دیسیپلین پروسه سینه سون قویدوغونا دقت چکدی.

دومبرووسکیس ایتالیانین بالانس‌لی ایقتیصادیات و بودجه سیاستی یوروده‌رک مالیه وضعیتینی دوزلده بیله جگینی ده سؤزلرینه علاوه ائتدی.

قئید ائتمک لازیم‌دیر کی، ایتالیا حکومتی آوروپا بیرلیگی ایله بحرانا یول آچان 2019-جو ایل بودجه‌سیله باغلی آپاریلان موذاکیره‌لرده بودجه آچیغینی 2،4%-دن 2،04%-ا قدر ائندیرن یئنی بیر تکلیف تقدیم ائتمیشدی.

ایتالیا حکومتی‌نین اوکتبرین 15-ده آوروپا بیرلیگی کمیسیونونا گؤندردیگی بودجه لاییحه‌سینه گؤره، گلن ایل اوچون عمومی داخیلی محصولا نیسبتن بودجه آچیغی هدفی 2،4 فایز اولموشدو.

ایتالیا بودجه آچیغی‌نین 2020-جی ایلده 2،1%- -ا، 2021-جی ایلده ایسه 1،8%-ا ائندیریله جگینی آچیقلامیشدی. ایتالیانین بو بودجه پلانینا آوروپا بیرلیگی قوروم‌لاری و عضو اؤلکه‌لردن ایرادلار گلمیشدی.

آوروپا بیرلیگی نوامبرین 21-ده 2019-جو ایل لاییحه بودجه‌سی‌نین قایدا‌لارینا عمل ائتمدیگی و دؤولت بورجونو آزالتمادیغی اوچون ایتالیایا قارشی "حددن آرتیق آچیق پروسه ‌دور" آدلی دیسپلین پروسه‌سی تطبیق ائتمیشدی.

آوروپا بیرلیگی قایدا‌لارینا گؤره، عضو اؤلکه‌لرین بودجه آچیغی‌نین عمومی داخیلی محصولون 3%-نین، دؤولت بورج‌لاری‌نین دا عمومی داخیلی محصولون 60%-نین آلتیندا اولماسی لازیم‌دیر.

بو حدلر آشیلدیغیندا حیاتا کئچیریله‌جک تدبیرلر بیلدیریلمه‌لی و بونا قارشی فعال موباریزه آپاریلما‌لی‌دیر.

ایتالیانین دؤولت بورجو موجود وضعیتده عمومی داخیلی محصولون 130%-نه اویغون گلیر.



ایلگیلی‌لی خبرلر