آوروپا بیرلیگی‌نین 2019 ایلی بودجه‌سی

آوروپا بیرلیگی‌نین 2019 ایلی عمومی بودجه‌سینه گؤره گلن ایل بیرلیگین گلیرلری 165.8 میلیارد، خرج‌لری ایسه 148.2 میلیارد آورو اولا‌جاق

آوروپا بیرلیگی‌نین 2019 ایلی بودجه‌سی

آوروپا بیرلیگی‌نین 2019 ایلی عمومی بودجه‌سینه گؤره گلن ایل بیرلیگین گلیرلری 165.8 میلیارد، خرج‌لری ایسه 148.2 میلیارد آورو اولا‌جاق.

آوروپا بیرلیگی کومیسیونون‌دان، آوروپا بیرلیگی شوراسی و آوروپا پارلامنتی آراسیندا  2019 ایلی آوروپا بیرلیگی بودجه‌سینه دایر موذاکیره‌لر نتیجه‌سینده راضی‌لیق الده اولوندوغو آچیقلانیب.

بونا گؤره، آوروپا بیرلیگی‌نین 2019-جی ایلین بودجه‌سینده گلیرلر 165.8 میلیارد، خرج‌لر ایسه 148.2 میلیارد آورو سویه‌سینده باش توتا‌جاق.

بودجه‌دن، بؤیومه، ایقتیصاد و ایستیخداما یؤنلدیلمیش پروقرام‌لارا 80.5 میلیارد آورو، اکینچیلری دستکلمه‌یه 59 میلیارد آورو، آر-گه پروقرامی هوریزون 2020یه 12.2 میلیارد آورو، تحصیل پروقرامی اراسموس‌ا 2.8 میلیارد آورو تاسیس ائدیله‌جک.

آوروپا بیرلیگی‌نین 2019 بودجه‌سینده، تورکیه‌دکی سوریه‌لی‌لری دستکلمه‌یه یؤنلدیلمیش پروقرام‌لارا دا 1.45 میلیارد آورو وسایل تامین اولونا‌جاق.

بودجه مسئله‌سینده الده اولونان راضیلاشمانین آردین‌دان، آوروپا بیرلیگی شوراسی ایله آوروپا پارلامنتی‌نین بودجه آنلاشما‌سینی رسمی اولا‌راق اونایلاما‌سی لازیم‌دیر.

عضو اؤلکه‌لر طرفین‌دن مشترک شکیلده معین‌لش‌دیرن سیاسی و ایقتیصادی هدف‌لری رئال‌لاش‌دیرماق اوچون ایستیفاده ائدیلن بودجه‌نین اهمیت‌لی بیر بؤلومو، عضو اؤلکه‌لر آراسیندا ایقتیصادی و سیاسی اینتقراسیونو گوجلندیرمگی ایستییر.

آوروپا بیرلیگی بودجه‌سینده گلیر قلم‌لری، بؤیوک اؤلچوده عضو اؤلکه‌لر طرفین‌دن تامین اولونان منبع‌لردن، خرج‌لر بؤلومو ایسه اکینچیلیک، ایقتیصادی و آلت یاپی فوندلاری، تدقیقات، تحصیل، خاریجی علاقه‌لر، گئنیشلنمه و ایداری خرج‌لردن عبارت‌دیر.

آوروپا بیرلیگی بودجه‌سی‌نین کونترولونو ایسه لوکزامبورگ مرکزلی آوروپا سایشتایی حیاتا کئچیریر.



ایلگیلی‌لی خبرلر