روسیا و چین اورتاق آنلاین شیرکت قوراجاق

روسیا و باغیمسیز دؤولتلر بیرلیگینده فعالیت گؤستره‌جک ان بؤیوک آنلاین تیجارت شیرکتی قورولاجاق

روسیا و چین اورتاق آنلاین شیرکت قوراجاق

چین‌لی اینترنت تیجارت شرکتی علی‌بابا ایله روسیانین معروف تکنولوژی شیرکتلری، اورتاق آنلاین تیجارت شیرکتی قوراجاق.

چین‌لی علی‌بابا قروپو ایله روس شیرکتلری مگافون، میل.رو و روسیا بیرباشا یاتیریم فوندو، روسیا و باغیمسیز دؤولتلر بیرلیگینده فعالیت گؤستره‌جک ان بؤیوک آنلاین تیجارت شیرکتینی قوراجاق.

روسیانین ولادی‌ووستوک شهرین‌ده دوزنلنن دوغو اقتصاد فورومون‌دا علی‌بابا، مگافون، Mail.Ru و روسیا بیرباشا یاتیریم فوندو یئتکیلیلری طرفین‌دن اورتاق‌لیق آنلاشماسی ایمضالاندی.

آنلاشما چرچیوه‌سین‌ده باشلانقیج دگری ۲ میلیارد دلار اولماسی گؤزله‌نیلن اورتاقلیقلا، روسیا و باغیمسیز دؤولتلر بیرلیگینده فعالیت گؤستره‌جک ان بؤیوک آنلاین تیجارت شیرکتینین قورولماسی هدفلنیرکن، علی اکسپرس شیرکتینین ده روسیاداکی مؤوجود ایشلری سؤزوگئدن اورتاق گیریشیمه داخیل ائدیله‌جک.

آنلاشما ایله روسیانین ان بؤیوک تله‌کومونیکاسیون شیرکتلرین‌دن مگافون، یئنه اؤلکه‌نین ان بؤیوک اینترنت شیرکتلرین‌دن Mail.Rudaki یوزده ۱۰لوک ‌سهمینی، علی اکسپرس روسیاداکی یوزده ۲۴لوک سهم قارشیلیغین‌دا علی‌بابا قروپونا وئره‌جک.

روسیانین آنلاین تیجارت سئکتورون‌دا ائدیلن "ان بؤیوک" آنلاشمانین، ۲۰۱۹ون ایلک دؤردده‌بیرینده حیاتا گئچیریلمه‌سی پلانلاشدیریلیر.

علی اکسپرس روسیاداکی سهم داغیلیمیندا مگافونون یوزده ۲۴، میل.رونون یوزده  ۱۵ و روسیا بیرباشا یاتیریم فوندونون یوزده ۱۳لوک پایلاری اولاجاق.



ایلگیلی‌لی خبرلر