نفت قیمتلری آرتدی

لندن برنت نؤوعو خام نفتین قیمتی جولایین ۱۱دن بو یانا ان یوکسک سویه‌سینه چاتدی

نفت قیمتلری آرتدی

دونیا بازارلاریندا نفت قیمتلری یوزده ۲نین اوزرین‌ده آرتیش گؤستردی.

اولوسلارآراسی بازاردا ان گئنیش ایستیفاده ائدیله‌ن لندن برنت نؤوعو خام نفتین قیمتی دوننی ۷۴،۷۳ دلاردان تاماملاماسینین آردین‌دان بو گون یوزده ۲،۲ آرتیشلا ۷۶،۴۰ دلارا قدر قالخدی.

بئله‌لیکله، لندن برنت نؤوعو خام نفتین قیمتی جولایین ۱۱دن بو یانا ان یوکسک سویه‌سینه چاتدی.

آمریکا باتی تگزاس (WTI) تیپ‌لی خام نفتین قیمتی ده دوننی ۶۷،۸۳ دلاردان قاپانماسینین آردین‌دان، بو گون ۶۹،۳۱ دلارا قدر یوکسلدی و یوزده ۲،۲ آرتش قید ائتدی.

بئله‌لیکله، WTI ۸ آگوست‌دان بو گونه قدر ان یوکسک سویه‌سینی گؤرموش اولدو.

دونیانین ان بؤیوک خام نفت مصرف‌چی‌سی اولان آمریکادا یای مؤوسومون‌ده بنزین و گازوئیل مصرفینین آرتدیغینا ایشاره ائد‌ن متخصصلر، بونون طلبی یوکسلده‌رک نفت قیمتلری اوزرین‌ده یوخاری ایستیقامت‌لی باسقی یاراتدیغینی بیلدیردی.


اتیکتلر: لندن , قیمت , نفت

ایلگیلی‌لی خبرلر