روسیادان دلار تپکیسی

"باسقی واسطه‌سی کیمی آمریکا دلارینین ایستیفاده‌سینین یئنی کوره‌سل پول بیریمینین اولوشماسینا یول آچاجاق"

روسیادان دلار تپکیسی

روسیا پارلمانی آلت قانادی دومانین مالی بازارلار کمیته‌سینین باشقانی آناتولی آکساکوو، باسقی واسطه‌سی کیمی آمریکا دلارینین ایستیفاده‌سینین یئنی کوره‌سل پول بیریمینین اولوشماسینا یول آچاجاغینی دئدی.

آکساکوو، "نه زامان دلارا آلتئرناتیو یئنی بیر دونیا پول واحدی اورتایا چیخارسا، دلار اؤنمینی ایتیره‌جک. بئله‌لیکله، آمریکانین دونیا اوزرین‌ده‌کی تأثیری ده یوخ اولاجاق" دئدی.

آکساکوو، بریکسی تشکیل ائد‌ن برزیل، روسیا، هندیستان، چین و گونئی آفریقانین اؤز آرالارین‌دا اؤدنیشلر اوچون یئنی پول واحدی احتیمالینی گؤروشدوکلرینی قید ائتدی.

آکساکوو، بریکس عضوو اولان اؤلکه‌لرین دونیا جمعیتینین یاریسینی و صنایعینین یوزده ۳۰ونو اولوشدوردوغونا دقت چکه‌رک، "آلتئرناتیو دونیا پول بیریمی اورتایا قویما پروسه‌سی ۵ ایل ایچین‌ده باشا چاتابیلر. بو واشینگتونا باغلی. آمریکا دلارین ایستیفاده‌سی اوچون داها چوخ باسقی گؤستررسه، دیگر اؤلکه‌لر ده اؤد‌مه‌لرین دلار اولاراق ائدیلمه‌سینه داها چوخ قارشی چیخیر" ایفاده‌سینی ایشلتدی.

دومانین خاریجی ایلیشکی‌لر کمیته‌سی باشقانی لئونید سلوتسکی ده روسیانین تورکیه‌نین یانین‌دا اولدوغونو ایفاده ائتدی.

تورک لیره‌سینین دگر قازانماغا باشلاماسین‌دان ممنون اولدوقلارینی دیله گتیره‌ن سلوتسکی، تورکیه‌نین بو چتین‌لیکله باشا چیخماق‌دا اولان سیاسی ثابت‌لیک و انتلکتوئل گوجه مالیک اولدوغونو دئدی.



ایلگیلی‌لی خبرلر