آمریکا‌دان چینه علاوه گؤمروک وئرگی‌سی ادعاسی

ترامپ رهبرلیگی‌نین، چین قئیدیات‌لی تخمینن 200 میلیارد دگرینده 5 مین محصولا ایجرا ائدیلمه‌سی پلان‌لاش‌دیریلان وئرگی میقدارینی، یوزده 10دان 25ه قالدیراجاغی ایره‌لی سورولوب

آمریکا‌دان چینه علاوه گؤمروک وئرگی‌سی ادعاسی

آمریکا‌نین پرزیدنتی دونالد ترامپین چینه میثللمه لره گؤره گتیریله‌جک یوزده 10لوک علاوه گؤمروک وئرگی‌سینی، یوزده 25ه قالدیرماغی پلانلاشدیردیغی ادعا ائدیلیب.

بلوومبرگ و سی.ان.ان-ین آدینی آچیقلامادیغی قایناقلارا اساسلاندیردیغی خبرلرده، ترامپ رهبرلیگی‌نین، چین قئیدیات‌لی تخمینن 200 میلیارد دگرینده 5 مین محصولا ایجرا ائدیلمه‌سی پلان‌لاش‌دیریلان وئرگی میقدارینی، یوزده 10دان 25ه قالدیراجاغی ایره‌لی سورولوب.

قارشی‌لیق‌لی گؤمروک روسوم‌لاری گرگین‌لشن موناسیبت‌لر و ضعیفله‌ین موذاکیره‌لرین آردین‌دان پکن حکومتی اوزرین‌دکی باسقینی آرتیرماغی هدفله‌ین بو قرارین گله‌جک گون‌لرده رسمن آچیقلاناجاغی قئید ائدیلیب.

آمریکا تیجارت نماینده‌لیگی‌نین (USTR)، ترامپین ژوئن ین 18-ده وئردیگی فرمان اساسیندا حاضیرلادیغی، چین قئیدیات‌لی 5 مین محصولون اولدوغو سیاهیدا دنیز محصوللاریندان‌ ایدمان الجگینه، طبیعی و شیمیایی مینرال‌لاردان سبزه- میوه لره، توتون اورونلریندن‌ ماشین رئزینه قدر بیر چوخ چئشید محصول یئر آلیر.

آمریکا ایله چین آراسیندا تیجارت ساواشی‌نین باشلانغیجی اولا‌راق گؤرولن پروسه‌لر، ترامپ رهبرلیگی‌نین 23 مارس دا ایدخال پولاد و آلومینیوم مووافیق اولا‌راق یوزده 25 و یوزده 10 علاوه گؤمروک وئرگی‌سی یئتیرمه‌سی ایله باشلادی.

چین، واشینگتونون پولاد و آلومینیوم محصول‌لارینا قارشی علاوه گؤمروک وئرگی‌لرینه جواب اولا‌راق آوریلین اوّلینده آمریکا قئیدیات‌لی 128 محصولا یوزده 15 ایله یوزده 25 وئرگی گتیردی.

آمریکا رهبرلیگی، آیریجی 22 مارس تاریخینده چین ین، آمریکا‌لی شیرکت‌لرین تکخنولوژی‌لرینه و فیکری مولکیت‌لرینی اله کئچیرمه‌یه یؤنلمیش قانون‌سوز فعالیت‌لری سببیله 50 میلیارد دگرین‌دکی مین‌دن آرتیق چین قئیدیات‌لی محصولا ایکی مرحله‌لی اولا‌راق یوزده 25 علاوه گؤمروک وئرگی‌سی گتیرجگینی آچیقلاییب.

پکن رهبرلیگی‌نین، آمریکانین یالنیز چینی هدف آلان بو حمله‌سینه اعتراضی گئجیکمه‌دی. چین تیجارت ناظیرلیگی، بو قرارا جواب اولا‌راق آمریکادان ایدخال ائدیلن 50 میلیارد دو‌لار مبلغین‌دکی 659 محصولا یوزده 25 گؤمروک وئرگی‌سی گتیریله جگینی بیلدیریب.

آمریکا پرزیدنتی دونالد ترامپ، 18 ژوئنده چینین داها اوّل آچیقلادیغی وئرگی‌لره جواب تدبیرلریله قارشی‌لیق وئرمه‌سی حالیندا 200 میلیارد دو‌لار دگرینده محصولا داها یوزده 10 گؤمروک وئرگی‌سی تطبیق ائدیلمه‌سی تاپشیریغینی وئریب.

تقویم‌لر 6 ژوئنی گؤستردیکده، آمریکا رهبرلیگی، چین‌دن ایدخال ائدیلن 34 میلیارد دو‌لار دگرین‌دکی 800دن چوخ محصولا یوزده 25 علاوه گؤمروک وئرگی‌سی تطبیق ائتمه‌یه رسمن باشلادی.

چین رهبرلیگی، ترامپین بوتون تهدیدلرینه باخمایا‌راق آمریکانین ایدخال محصول‌لارا قارشی قارشی‌لیق‌لی وئرگی آرتیم‌لاری‌نین "آنیندا ایجرایه قویولدوغونو" بیلدیریب.

آمریکانین ایندییه قدر آتدیغی قوروماچی تیجارت آددیم‌لارینا "قیصاصا قیصاص" جواب وئرن پکن رهبرلیگی‌نین، داها اوّل یوزده 10 اولا‌راق آچیق‌لانان علاوه وئرگی نیسبتی‌نین یوزده 25ه یوکسلدیلمه‌سینه نئجه قارشی‌لیق وئرجگی ماراقلا گؤزلنیلیر.



ایلگیلی‌لی خبرلر