جی-20 کونفرانسی آرژانتین ین باشکندی بوئنوس آیرس ده باشلادی
مالیه ناظیرلری و مرکزی بانک باشقانلارینین قاتیلدیغی توپلانتیدا، تورکیه، خزینه و مالیه ناظیری برات آلبایراک لا یاناشی مرکز بانکی باشقانی مورات چتینکایا تمثیل ائدیر
دونیانین ان بؤیوک 20 ایقتیصادی بیر آرایا گتیرن جی-20 کونفرانسی آرژانتین ین باشکندی بوئنوس آیرس ده باشلادی.
مالیه ناظیرلری و مرکزی بانک باشقانلارینین قاتیلدیغی توپلانتیدا، تورکیه، خزینه و مالیه ناظیری برات آلبایراک لا یاناشی مرکز بانکی باشقانی مورات چتینکایا تمثیل ائدیر.
توپلانتینین، آمریکانین باشلادیغی تیجارت ساواشینین کؤلگهسینده کئچمهسی گؤزلنیلیر.
چوخلو دانیشیقلار یولو داوام ائتدیرن آلبایراک، آمریکالی همکاری استیون منوچین ایله ده بیر آرایا گلیب.
جی-20 اولکه لری دونیا ایقتیصادینین یوزده 85ینی، اهالیسینین ایسه اوچده ایکیسینی تمثیل ائدیرلر. اولوسلار آراسی تیجارتین ده دؤردده اوچونو کئچیریرلر.
دونیانین ان گلیشمیش 20 ایقتیصادینین مالیه ناظیرلری ایله مرکزی بانک صدرلری، بوئنوس آیرس ده قلوبال ایقتیصادی قیمتلندیریر.
گؤروشمهلر، آمریکانین علاوه گؤمروک وئرگیلری قویاراق آوروپا بیرلیگی، چین، کانادا و مکزیک کیمی اؤلکهلرله یاندیغی تیجارت ساواشینین کؤلگهسینده باش توتاجاق.
کاناداداکی ذیروه گؤروشمه سینین عکسینه، گوج ده اولسا بو گؤروشمهدن بیر بیرگه بیانات چیخاجاغی احتیمال ائدیلیر.
خزینه و مالیه ناظیری آلبایراک ین ایلک گون پروقرامی چوخ شولوغدو.
آلبایراک، اندونزی مالیه ناظیری سئری مولیانی ایندراواتی، آلمانیا مالیه ناظیری اولاف شولز، فرانسا ایقتیصاد و مالیه ناظیری برونو لو مایر، چین مالیه ناظیری لیو کون، برزیل مالیه ناظیری ادواردو گواردیا، گونئی کوره ایستراتژی و مالیه باخانی دونگ یئون کیم، آوروپا بیرلیگی کومیسیونو ایقتیصادی و مالیه ایشلردن مسئول عضوو پیئر موسکوویسی و آمریکا خزینه ناظیری استیون منوچین ایله تک بتک گؤروشمهلر کئچیریب.
برات آلبایراک، جی-20 عائله فوتو چکیلیشینه ده قاتیلیب.