ترانس آنادولو گاز بورو خطی آچیلدی

مراسیمه پرزیدنت رجب طیب اردوغان، آذربایجان پرزیدنتی ایلهام علی‌یئو، قوزئی قیبریس تورک جمهوریتی پرزیدنتی مصطفی آکینجی، صربیستان پرزیدنتی آلکساندر ووجیج و اوکراینا پرزیدنتی پترو پوروشنکو قاتیلدی

ترانس آنادولو گاز بورو خطی آچیلدی

آذربایجان طبیعی گازینی تورکیه اوزرین‌دن آوروپایا داشییاجاق ترانس آنادولو گاز بورو خطینین (تاناپ) آچیلیشی دونن اسکی‌شهیرده حیاتا گئچیریلدی.

مراسیمه پرزیدنت رجب طیب اردوغان، آذربایجان پرزیدنتی ایلهام علی‌یئو، قوزئی قیبریس تورک جمهوریتی پرزیدنتی مصطفی آکینجی، صربیستان پرزیدنتی آلکساندر ووجیج و اوکراینا پرزیدنتی پترو پوروشنکو قاتیلدی.

اردوغان مراسیم‌ده، انرژینین ایپک یولو اولاراق آدلاندیردیقلاری ترانس آنادولو گاز بورو خطینین آچیلیشینی گرچکلشدیکلرینی دئدی.

"انرژینی چاتیشما دئییل، امکداش‌لیق زمینی کیمی گؤره‌ن آنلاییشیمیز، تاناپ سایه‌سین‌ده بیر داها گرچک اولموشدور" دئیه‌ن اردوغان،

"تاناپ، اورتاق پرسپکتیویمیز ان سون میوه‌سی‌دیر. تاناپ عینی زامان‌دا دؤوره‌یه آلاجاغیمیز یئنی پروژه‌لرین موژده‌چی" دئیه دانیشدی.

ترانس آنادولو باشلانغیج ظرفیتینین ایللیک ۱۶ میلیارد مکعب متر گاز اولدوغونو قید ائد‌ن اردوغان، بونون ۶ میلیونونون تورکیه‌یه، ۱۰ میلیارد مکعب مترینین ایسه آوروپایا گئدجیینی ایفاده ائتدی.

اردوغان، ترانسان ادولو توتومونو طلبه باغلی اولاراق اول ۲۲ میلیارد مکعب متره، آردینجا علاوه یاتیریملارلا ۳۱ میلیارد مکعب متره چیخارماغی هدفله‌دیکلرینی ده بیلدیردی.

اردوغان،

"تاناپ ساده‌جه عرضه گوونلیگی باخیمین‌دان دئییل، خزر بؤلگه‌سیندن آوروپایا قدر بوتون مسیر اوزرین‌ده‌کی اؤلکه‌لرین ریفاه و استخدامینا دا قاتقی وئره‌جک‌دیر" دئدی.

بو گونه قدر کی ان بؤیوک اؤلچو و اوزونلوغا صاحب بورو خطی تاناپین توپلام اوزون‌لوغو مین ۸۵۰ کیلومتر.

بورو خطی، آرداهان‌دان ادیرنه ۲۰ ائل و ۶۷ ائلچه‌دن گئچیر.

بورولارین یوزده ۸۰ی تورکیه‌ده اورتیلدی، ۱۳ مین نفره ایش ایمکانی اولدو.

آذربایجان گازینی تورکییه اوزرین‌دن آوروپایا نقل ائد‌جک تاناپ، تورکیه‌نین یانی سیرا آوروپانین دا احتیاجینی قارشیلایاجاق.

 



ایلگیلی‌لی خبرلر