جی-7 ایجلاسی باشا چاتدی

ایجلاس‌ا، آمریکا‌نین پرزیدنتی دونالد ترامپین کانادا باش ناظیری جاستین ترودویا اعتراضی دامغا ووردو

جی-7 ایجلاسی باشا چاتدی

جی-7 کیمی تانینان دونیانین ان بؤیوک ایقتیصادینا صاحیب اینکیشاف ائتمیش یئددی اؤلکه‌نین لیدرلری‌نین کانادادا کئچیریلن ایجلاسی باشا چاتدی.

ایجلاس‌ا، آمریکا‌نین پرزیدنتی دونالد ترامپین کانادا باش ناظیری جاستین ترودویا اعتراضی دامغا ووردو.

کانادا‌داکی جی-7 ایجلاس‌سی، آمریکا، آوروپا بیرلیگی اؤلکه‌لری، کانادا و مکزیک‌دن ایدخال ائدیلن پولاد و آلومینیوم گؤمروک وئرگی‌سی ایجرا ائتمک قراری سببیله گرگین کئچدی.

جی-7 ایجلاسی‌نین سون بیاننامه‌سینی کانادا باش ناظیری ترودو اوخودو.

ترودو، ترامپا آغیر ایرادلار یؤنلتدی.

ترودوا، ترامپین، تیجارت حاقین‌داکی پروسس‌لره دایر موضع‌سینه باخمایا‌راق، ایکی گونلوک ایجلاسین سونوندا بؤیوک بیر اوغور توتدوق‌لارینی ایفاده ائتدی.

آچیقلامادا، هر کسی ایچه‌رن بؤیومه‌یه یاتیریم قویولماسی‌نین منیمسندیگی، گله‌جکده تأثیرلی اولا‌جاق ایش و پئشه ساحه‌لرینه حاضیرلیق آپاریلاجاغی، جینسیت برابرلیگی‌نین اینکیشاف ائتدیریلمه‌سینه تکان وئریله‌جیی بیلدیریلیب.

سینگاپوردا، قوزئی کوره لیدری کیم یونگ‌ون ایله کئچیرجگی ایجلاسا گؤره کانادا‌دان ارکن آیریلان ترامپ، ترودونون اونون حاقین‌داکی تنقیدلرینه توئیترمساژی جواب وئردی.

ترامپ، کانادا باش ناظیری‌نین آچیقلاما‌لارینی آغیر بیر دیلله تنقید ائتدی و جی-7 سون بیاننامه‌سینی ایمضالامایاجاغینی بیلدیریب.

جاستین ترودویو ایکی اوزلو و ضعیف اولماقلا گوناهلان‌دیران ترامپ، یئنی گؤمروک وئرگی‌لرینی کانادانین آمریکان سود محصول‌لارینا قارشی یوزده 270 سویه‌سینده گؤمروک وئرگی‌سینه جواب اولا‌راق تطبیق ائتدیگینی ساووندو.

ترودونون اوفیسین‌دن ائدیلن آچیقلامادا ایسه مطبوعات کونفرانسیندا ایفاده ائدیلن‌لرین داها اوّل ترامپا قارشی، هم توپلوما آچیق، هم ده شخصی گؤروشمه‌لرده سس‌لنن مقام‌لار اولدوغو قئید ائدیلیب.



ایلگیلی‌لی خبرلر