عربیستان، هیندیستان ایله 44 میلیارد دو‌لارلیق آنلاشما سندی ایمضالاییب

آرامکو صدری امین حسن النّاصر، ایقتصادی بؤیوین هیندیستانین بؤیوک توکتیم بازارینا مالیک اولدوغونو، بونا گؤره ده قلوبال فیرما‌لارین بورادا وارلیق گؤسترمک اوچون تلاش صرف ائتدیک‌لرینی وورغولاییب

عربیستان، هیندیستان  ایله 44 میلیارد دو‌لارلیق آنلاشما سندی ایمضالاییب

سعودی عربیستانی‌نین میلّی نفت شیرکتی آرامکو، هیندیستانین " Ratnagiri Refinery & Petrochemicals (RRPL) " شیرکت‌لر قروپو ایله 44 میلیارد دو‌لارلیق آنلاشما سندی ایمضالاییب.

آرامکودان ائدیلن یازی‌لی آچیقلامادا، هیندیستانین غرب ساحیلینده یئرلشن راتنگیری شهرینده 44 میلیارد دو‌لارا چاتا‌جاق خرجله، دونیانین ان بؤیوک کارخانا و نفت- پتروشیمی موسسیسه‌لرین‌دن بیرینی قورماق کیمی Ratnagiri Refinery & Petrochemicals (RRPL) ایله آنلاشما سندینین ایمضالاندیغی قید اولونوب.

مگا پروژه‌نین، تاماملانماسی‌نین آردین‌دان گونده‌لیک بیر میلیون 200 مین بوشکا خام نفتی چیخارما گوجونده اولاجاغی و بنزین ایله گازولون یانیندا موختلیف محصول‌لارین الده ائدیلجگینه قید ائدیلن آچیقلامادا، موسسیسه‌لردکی ایللیک نفت-پتروشیمی  اوره‌‌تیم گوجو ایسه 18 میلیون تونا چاتاجاغی ایفاده ائدیلیب.

آرامکو صدری امین حسن النّاصر، ایقتصادی بؤیوین هیندیستانین بؤیوک توکتیم بازارینا مالیک اولدوغونو، بونا گؤره ده قلوبال فیرما‌لارین بورادا وارلیق گؤسترمک اوچون تلاش صرف ائتدیک‌لرینی وورغولاییب.



ایلگیلی‌لی خبرلر