تورک هاوا یوللاری یوکسلیشده

یولچو ساییسی اؤتن ایلین عینی دؤورونه گؤره یوزده ۲۶ آرتدی

تورک هاوا یوللاری یوکسلیشده

تورک هاوا یوللارینین فوریه آییندا داشیدیغی یولچو ساییسی اؤتن ایلین عینی دؤورونه گؤره یوزده ۲۶ آرتاراق ۵،۱ میلیون نفر اولدو.

تورک هاوا یوللاری مطبوعات مشاورلیگیندن وئریلن معلوماتا گؤره، تورک هاوا یوللاری تاریخین‌ده ایلک دفعه فوریه آییندا ۵ میلیون یولچو رقمینی آشمیش اولدو. تورک هاوا یوللاری، یوزده ۷۹،۷ ایله تاریخینین ان یوکسک فوریه آیی دولولوق اورانینا چاتدی. ظرفیتین یوزده ۱۴ آرتدیغی فوریه آییندا، توپلام دولولوق، گئچن ایلین عینی دؤورونه گؤره ۶،۴ پوئن آرتیشلا یوزده ۷۹،۷، دیش خط دولولوق ایسه ۶،۶ پوئنلیک آرتیشلا یوزده ۷۹.۱ اولاراق گرچکلشدی.

بو آیدا داشینان یوک و پست حجمی، اؤتن ایلین عینی دؤورونه نیسبتا ۳۹،۴% آرتدی.

فوریه آیین‌دا گئچن ایلین عینی دؤورونه گؤره بوتون بؤلگه‌لرده یولچو دولولوق نیسبتی آرتیش گؤستردی. قوزئی آمریکا ۱۱،۱ پوئن، آفریقا ۹،۹ پوئن و آوروپا ۶،۳ پوئن آرتاراق، ان چوخ آرتیش گؤستر‌ن بؤلگه‌لر اولدو.



ایلگیلی‌لی خبرلر