نفت سرعتله باهالاشیر

سعودی عربیستانی گونده‌لیک اوره تیمی 560 مین بوشقا آزالدا‌جاق.

نفت سرعتله باهالاشیر

سعودی عربیستانی‌نین نوامبر آییندا گونده‌لیک اوره تیمی یاریم میلیون بوشقادان چوخ آزالتماق نیتی نفتی باهالاشدیریب.

اؤلکه‌نین انرژی ناظیرلیگی اوپک راضیلاشماسی چرچیوه‌سینده گلن آی اوره تیمی 560 مین بوشقا آزالدا‌جاق‌لارینی آچیقلاییب.

حاضیردا بورسالاردا "برنت" مارکا‌لی نفتین بیر بوشقاسی‌ 56،73 دو‌لاردان ساتیلیر، غربی تگزاس نفتی‌نین قیمتی ایسه گون عرضینده 2 فایزدن چوخ باهالاشیب. حاضیردا WTİ نفتی‌نین بیر بوشقاسی 51،11 دو‌لاردان ساتیلیر، ایکی مارکا آراسیندا قیمت فرقی ایسه یئنی‌دن 5،6 دو‌لارا انیب. بو، آمریکانین نفت صنایعسی سئکتوروندا جانلانمانین برپا اولوندوغونو گؤستریر.

آمریکا نفت انستیتو و آبش انرژی ناظیرلیگی‌نین اؤلکه‌نین نفت و بنزین ذخیره لرینین حجمینه دایر راپورلاری بیر گون لنگیگیب. بونا سبب آمریکادا بازار ائرته‌سی‌نین غیری -ایش گونو اولماسی‌دیر. آمریکا نفت انستیتو تخمین کاراکترلی راپورو بو گون آخشام ساعت‌لاریندا آچیقلایا‌جاق. راپورون قیمت‌لرین فورمالاشماسینا جدی تأثیر ائدجگی گؤزلنیلیر.



ایلگیلی‌لی خبرلر