آوروپا کومیسیونو عضو اؤلکهلری اقتیصاد سیاستلرینه باغلی توصیهل
آوروپا کومیسیونونون آلدیغی توصیه قرارلارینین آی سونوندا بروکسلده کئچیریلهجک اجلاسدا عضو اؤلکه دولت و حکومت باشقانلاری طرفیندن گؤروشولهرک قبول ائدیلمهسی گؤزلنیلیر
آوروپا کومیسیونو عضو اؤلکهلری اقتیصاد سیاستلرینه باغلی توصیهلرینی بروکسلده تشکیل ائدیلن مطبوعات کونفرانسی ایله آچیقلادی.
توصیهلرین، عضو اؤلکهلره یول گؤسترن کمین وظیفهسی گؤردوگونو ایفاده ائدن آوروپا کومیسیونونون صدری خوزه مانوئل باروسو، "آرتیم توپارلانییر، بو ایلدن اعتباراً ایستیخدامدا دا آرتیم گؤرولهجک" دئیه دانیشدی.
هر بیر عضو اؤلکهنین اقتصادی وضعیتی گؤز قارشیسیندا ساخلانیلاراق آلینان توصیه قرارلاری 26 آوروپا بیرلیگی اؤلکهسینی احاطه ائدیر.
قرارلار، اقتیصادلاری "خصوصی و نیظاملی نظارتی کئچیریلن" یونانیستان و قیبریس روم یؤنتیمینی ایچهریر.
راپوردا، آوروپا بیرلیگی اؤلکهلریندکی اقتیصادی بؤیومهنین قایتدیغی وورغولانیر.
راپورا گؤره، آوروپا بیرلیگی داخیلینده ان چوخ یوزده 3 اولماسی لازیم اولان بودجه کسیری نیسبتی بحرانین باشلادیغی تاریخدن بو یانا ایلک دفعه بو ایل سؤز موضوعسو نیسبتین آلتینا دوشهجک.
یوزده 3 بودجه کسیری یا دا یوزده 60 دولت بورجو نیسبتی معیارلارینی تامین ائده بیلمهدیگی اوچون " حدیندن آرتیق آچیق پروسهدورو " ایله نظارت آلتیندا اؤلکه سایسی 2011-جی ایلده 24 ایکن بو رقم بو آندا 17.
آوروپا کومیسیونونون آلدیغی توصیه قرارلارینین آی سونوندا بروکسلده کئچیریلهجک اجلاسدا عضو اؤلکه دولت و حکومت باشقانلاری طرفیندن گؤروشولهرک قبول ائدیلمهسی گؤزلنیلیر.