توکیه‌نین کؤنول گؤرپوسو قوروملاری (1)

پروقرامیمیزدا، یونوس امره اینستیتوتو، خاریجدکی تورک‌لر و قوهوم توپلولوق‌لار باشقانلیغی، قیزیل آی و تیکا کیمی دونیا میقیاسیندا بیر چوخ اؤلکه و بؤلگه‌ده ده موختلیف پوبلیسیستیک -کولتورل پروژه‌لره ایمضا آتان قوروم‌لاریمیزدان بحث ائدجگیک

توکیه‌نین کؤنول گؤرپوسو قوروملاری (1)

دگرلی اوخوجو‌لاریمیزا سلام

تورکیه‌نین کؤنول کؤرپوسو قوروم‌لاری"، پروقرامیمیزدا، یونوس امره اینستیتوسو، خاریجدکی تورک‌لر و قوهوم توپلولوق‌لار باشقانلیغی، قیزیل آی و تیکا (تورکیه امکداش‌لیق و کووردیناسیون آژانسی‌نین باشقانلیغی) کیمی دونیا میقیاسیندا بیر چوخ اؤلکه و بؤلگه‌ده ده موختلیف پوبلیسیستیک -کولتورل پروژه‌لره ایمضا آتان قوروم‌لاریمیزدان بحث ائدجگیک. بو چرچیوه‌ده ایلک اولا‌راق تیکانین تاریخی ایله باغلی بعضی معلومات‌لار وئرجگیک، بیر سونراکی پروقرامیمیزدا دا بو قورومون فعالیتینه قیساجا توخونماغا چالیشاجاغیق.

تیکا، 1991ده سویوق ساواشین سونا چاتماسی و سووئت سوسیالیست جمهوریت‌لر بیرلیگی‌نین (SSCB) داغیلماسی ایله تورک جمهوریت‌لری باشدا اولماقلا، اؤلکه‌میزین تاریخی مدنی باغلارلا چوخ باغلی اولدوغو مکان‌لار ایله گوجلو امکداش‌لیغی گلیشدیرمک اوچون 1992-جی ایلده یارادیلیب.

1992- 2002  آراسیندا خاریجده 12 اوفیس ایله بوتؤولوکده 2500 پروژه حیاتا کئچیرن تیکا، تورکیه‌نین ایزلمیش اولدوغو آکتیو و ایبتیدای خاریجی سیاسته باغلی اولا‌راق ایش آپاردیغی اؤلکه‌لرین سایینی گونو-گون‌دن آرتیریر. تیکا بو گون 59 اؤلکه‌ده 61 پروقرام کووردیناسیون اوفی‌سی ایله 170 اؤلکه‌ده فعالیت گؤسترن قلوبال تشکیلات‌دیر. تورکیه‌نین تیکا واسطه ایله دوست اؤلکه‌لره قارشی گؤردوگو ایشلرین اساسیندا بیر باریش نسلی یاراتماق چاباسی وار.

تیکا، تورکیه‌نین پرزیدنتی جناب رجب طیب اردوغانین "دونیانین هر یئرینه اوزانیب، هارادا دردلی وارسا، تورکیه اولا‌راق اورایا گئدیب آز و یا چوخ کؤمک ائدجگیک" سؤزلری ایله چکدیگی ایستیقامت دوغرولتوسوندا هر ایل داها چوخ منطقه‌یه‌ و اینسانا چاتیر. تیکا، گئتدیگی هر یئرده باشدا تحصیل و ساغلیق اولماق اوچون دوغوم‌دان اؤلومه قدر اینسان حیاتینی ماراقلان‌دیران هر ساحه‌ده کیفیتلی پروژه‌لر حاضیرلاماغا داوام ائدیر.



ایلگیلی‌لی خبرلر