تورک دیش پولیتیکاسینا باخیشلار (31)

ترامپین چیگنین‌ده‌کی اوانجلیسم یوکو و تورکیه

تورک دیش پولیتیکاسینا باخیشلار (31)

آمریکالی کشیش اندریو برونسونون تورکیه‌ده حبس‌ده اولماسین‌دان اؤترو دونالد ترامپین و مایک پنسین تورکیه‌نی تحریملرله تهدید ائتمه‌لری، آمریکاداکی اوانجلیسم حقیقتینی بیر داها گوندمه گتیردی. بیز ده بو هفته پروگرامیمیزدا آمریکا رهبرلیین‌ده‌کی اوانجلیست لوبی و بو لوبینین تورک-آمریکا ایلیشکی‌لرینه یانسیما‌لارینی تحلیل ائدجییک.

آتاتورک اونیورسیته‌سی اولوسلارآراسی ایلیشکیلر بؤلومو خوجا‌سی دکتر جمیل دوغاچ ایپک‌ین قونو ایله باغلی دگرلندیرمه‌سینی سونوروق.

...

آمریکالی کشیش اندریو برونسون ترور هؤرگوتلری فئتؤ و پ‌کاکا آدینا سوچ تؤرتدیگی و جاسوسلوق ائتدیی سوچلاماسی ایله ۲۰۱۶دان بو یانا توتوقلو یارغیلانیردی. گئچدیگیمیز گونلرده برونسونون حبسی ساغلیق پروبلئملری سببیله ائو حبسینه چئوریلدی. بونون اوزرینه آمریکادان ان یوکسک سویه‌ده تورکیه‌نی تحریملرله تهدید ائد‌ن آچیقلامالار گلدی. اؤنجه باشقان یاردیمچیسی پنس، داها سونرا دا باشقان ترامپ، برونسون سربست بوراخیلمادیغی تقدیرده تورکیه‌یه گئنیش تحریملر تطبیق ائد‌جکلری باره‌ده آچیقلامالار وئردیلر. برونسون اوانجلیست بیر میسیونر. بو سبب‌دن برونسون اولایی سیاسی اولماقلا یاناشی "تئوپولیتیک" بیر آرخاپلانا صاحب. آمریکا رهبرلیگی بلوک حالین‌دا سس آلدیقلاری اوانجلیستلرین ایستکلری ایستیقامتین‌ده سیاست معینلشدیریر.

اوانجلیستلر (قامواویوندا دیله گتیریلدیگی کیمی خریستیان صهیونیستلر) مایک پنس و آغ ائودکی دیگر عضولری واسطه‌سیله آمریکا رهبرلیین‌ده گوج‌لو تأثیر ساحه‌سینه صاحبدیرلر. ساییسی آمریکادا ۲۰ میلیونا چاتان و ۱۰۰ میلیونا واران انسانا تأثیر ائتمک گوجونه مالیک اوانجلیستلر اؤتن ایللر عرضین‌ده اراضیلرینی گئنیشله‌دیلمیش بیر ایسراییل گؤرمک اوغرون‌دا میلیونلارلا دلار خرجله‌دیلر. روسیا، اتیوپی و دیگر بیر چوخ اؤلکه‌ده‌کی میلیونلارلا یهودینین ایسراییله کؤچونه دستک اولدولار. ایشغال آلتین‌داکی فیلیسطین تورپاقلارین‌دا یئنی قصبه‌لرین اینشاسی و کؤچمنلرین یئرلشدیریلمه‌سی اوچون میلیونلارلا دلار باغیشلادیلار.

اؤتن ایل دن هملین واشینگتون پست‌دا مسئله ایله باغلی دیله گتیردیکلری معنالی. همله گؤره "پنسین ایستیفاده ائتدیگی دیل آغ ائوین آمریکا-ایسراییل ایلیشکی‌سینی ایفاده ائدرکن ایستیفاده ائتدیگی تاریخی داوام‌لی‌لیق گؤستره‌ن دیل‌دن جدی صورت‌ده فرق‌لنیر" پنس، اوانجلیستلرین تؤورات‌دا کئچن بیر اؤن‌گؤرو اولاراق گؤردوکلری شئیلره ترامپی ایناندیرماغا چالیشان تک انسان دئییل. ترامپ رهبرلیگی اوزرین‌ده چوخ بؤیوک تأثیر صاحبی قیزقین اوانجلیستلر وار.

ایسراییل‌ده‌کی رادیکال صهیونیستلر و اوانجلیستلر اوچون حساس مسئله ۱.جی و ۲.جی یهودی معبدلرینه عاید قالیقلارین ایسلامین ان مقدس اوچونجو یئری اولان مسجید اقصی‌نین آلتین‌دا یئر آلدیغی ادعاسی. اوانجلیست گؤروش یئنی معبدین بو قدیم قالیقلار اوزرین‌ده قورولاجاغینا اینانیر. اوانجلیستلر بونون تؤورات‌داکی اؤن گؤرونون یئرینه یئتیرجیینی مدافعه ائدیر. اونلارا گؤره تاپناغین اینشاسی تامام‌لانیر تامام‌لانماز حضرت عیسی‌نین/مسیح‌ین قاییدیشی باش وئره‌جک.

اوانجلیستلر، آمریکا قدسو ایسراییلین باشکندی کیمی تانیدیغین‌دا چوخ سئویندیلر. بو شکیل‌ده، مسیحی چاغیریب آرماگدونداکی ساواشا حاضرلیق گؤرمه‌یه باشلادیقلارینی دوشونورلر. آمریکا رهبرلیین‌دن ده دایم بو طرز طلبلری اولور. اونلارا گؤره، عیسی مسیح گلیب هر شئیی دوزلده‌جک. دجالی و روسلارین دا پارچاسی اولدوغو آردین‌داکی باربارلاری اؤلدوره‌رک دونیانین کرالی اولاراق مین ایل بویو بوللوق و موتلولوق ایچین‌ده حؤکم سوره‌جک. اوانجلیستلرین اینانجلارینا گؤره بوتون بونلاردان اول، تؤورات‌داکی اؤن گؤرونون گرچکلشمه‌سی لازیم‌دیر: "مسیحین یئر اوزونه یئنی‌دن تشریفی اوچون قدیم ایسراییل یئنی‌دن بیرلشدیریلمه‌لی، دیگر دینلره اینانان کافیرلردن تمیزله‌نمه‌لی" بوتون بونلار قولاغا حقیقت اولمایاجاق شئیلر و دلی‌لیک کیمی گلیر، ائله دئییل ‌می؟ کاش ائله اولسایدی. چونکو اوانجلیستلر مایک پنس و دیگر عضولرینین مؤوقعیتین‌دن ایستیفاده ائد‌رک آمریکا اوزرین‌ده چوخ جدی تأثیر گوجونه چاتدی.

نتیجه اولاراق اؤزو آشیری بیر اوانجلیست اولماسا دا، باشقان ترامپ اؤز رای وئرن کوتله‌سی کیمی گؤردویو بو کوتله‌نی ممنون ائتمه‌یه چالیشیر. آنجاق باشقان یاردیمچیی مایک پنس ایسه چوخ افراطی بیر اوانجلیست. او، کشیش برونسونا اینانجی سببیله اهمیت وئریر. ترامپ ایسه داها چوخ سیاسی سببلرله برونسونون سربست بوراخیلماسی مباریزه‌سینی داوام ائتدیریر. بوتون بو پروسه‌لرین، ۲۴ ژوئن سونراسیندا بروکسل‌ده‌کی ناتو کنفرانسین‌دا تورکیه پرزیدنتی باشباخان رجب طیب اردوغان ایله ترامپ آراسین‌داکی صمیمی گؤروشله اویومسوز اولدوغو اورتادا. آرالارا عکس اولونان معلوماتلارا گؤره باشقان ترامپ اصلین‌ده پرزیدنت اردوغان ایله بیره‌بیر بیرباشا ایلیشکی قوراراق ایکی اؤلکه آراسین‌داکی پروبلئملری آشماق ایستییر. آنجاق ترامپین اطرافین‌دا چوخ گوج‌لو بیر اوانجلیست-نئوکان (یئنی محافظه‌کار) چئوره وار.

اونلار اللرینه گئچن هر فورصتدن ایستیفاده ائد‌رک ترامپین اردوغان ایله ایلیشکی یارانماسینی انگلله‌مه‌یه چالیشیرلار.

دیگر طرف‌دن، برونسون حادثه‌سی ایله آمریکا ایله تورکیه آراسین‌دا بیر چوخ ساحه‌ده سون ایللرده باش وئره‌ن "اؤرتوک‌لو بحران" آشکار حالا گلدی. تورکیه ایله آمریکا آراسین‌دا اونسوز دا مؤوجود اولان اعتماد بحرانی داها دا درینلشه‌بیلر. بو مقام‌دا دقت چکن باشقا بیر آیرینتی دا ترامپین آچیقلاماسینین، اردوغانین بریکس توپلانتی‌سی اوچون گئتدیگی جنوبی آفریقادا، روسیا و چین دؤولت باشقانلاری ایله گؤروشونون اولینده ائدیلمیش اولماسی‌دیر. بوندان باشقا، خزانه و مالییه باخانی برات آلبایراقین چین‌لی مالی قورولوشلاردان الده ائتدیکلرینی اعلان ائتدیگی ۳،۶ میلیارد دلارلیق کرئدی پاکتینین ده بو آچیقلامالارداکی تأثیرینی گؤزآردی ائتمه‌مک لازیم‌دیر.

گلینه‌ن نقطه‌ده، تورکیه و آمریکانین مؤوجود پروبلئملرینی حل ائتمک اوچون یئنی پروسه‌لر باشلادماسی چتین دئییل. چونکو بو ایلک یول قضاسی دئییل. آنجاق ترامپین تهدید دیلینی ایستیفاده ائتمه‌یه داوام ائتمه‌سی، تورکیه‌ده ۴ جولای ۲۰۰۳ سلیمانییه حادثه‌سین‌دن بو گونه یوکسه‌له‌ن آنتی آمریکان حسلری داها چوخ گوجله‌ندیره‌جک. نوامبرداکی سئچیملره قدر ترامپ رهبرلیینین چیگنین‌ده‌کی اوانجلیست یوکو و باسقینی کنترل آلتین‌دا توتماسی لازیم‌دیر. عکس تقدیرده آمریکا بؤلگه‌ده‌کی ان بؤیوک متفیقینی ایتیرمه ریسکی ایله قارشی قارشییا قالا بیلر.

...

آتاتورک اونیورسیته‌سی اولوسلارآراسی ایلیشکیلر بؤلومو خوجا‌سی دکتر جمیل دوغاچ ایپک‌ین قونو ایله باغلی دگرلندیرمه‌سینی سوندوق.



ایلگیلی‌لی خبرلر