ارمنی مظالیمینین.100ایلینده تاریخی حقیقتلر:ایرانین باتی آذربایجان ایالتینده ارمنی مظالیمی سمپوزمو
رضا هئیت، ایرانین غربی آذربایجان ایالتیندکی ارمنی ظلمونون 100-جی ایلی موناسیبتیله تشکیل اولونان سمپوزیومداکی چیخیشیندا، "ارمنیلر، بو گون هله ده مظلوملوق ادبیاتینی ایستیفاده ائدهرک، تؤرتدیکلری جینایتلری گیزلتمه لیر بیر یانا، بیزی بو وضعیتین گوناهکار
آنادودو آژانسینین خبرینه گؤره- تبریز آراشدیرمالاری اینستیتوسونون (TEBAREN) باشقانی جناب رضا هئیت، ایرانین غربی آذربایجان ایالتیندکی ارمنی ظلمونون 100-جی ایلی موناسیبتیله تشکیل اولونان سیمپوزیومداکی چیخیشیندا، "ارمنیلر، بو گون هله ده مظلوملوق ادبیاتینی ایستیفاده ائدهرک، تؤرتدیکلری جینایتلری گیزلتمه لیر بیر یانا، بیزی بو وضعیتین گوناهکاری کیمی گؤسترمک تلاشلارینی داوام ائتدیریر." دئدی.
تبریز آراشدیرمالاری اینستیتوسونون، باش ناظیرلیک دیش تورکلر و آقرابا توپلولوقلار باشقانلیغینین (YTB) قاتقیلاری ایله آنکارادا برا اوتلده، ایرانین غربی آذربایجان ایالتینده ارمنی ظلمونون 100-جی ایلی موناسیبتیله "ارمنی مظالمینین 100-جی ایلده تاریخی گرچکلر" موضوعسوندا اولوسلار آراسی سمپوزیوم کئچیریلیب.
سمپوزیومدا تورکیه، آذربایجان و ایراندان قاتیلان متخصصلر، آرشیو سندلری، ارمنیجه قایناقلارا گؤره ارمنی ظلمو، داغلیق قاراباغ پروبلمی و ایشغال ائدیلن تورپاقلار، لوبیچیلیک فعالیتلری، قافقازین ژئو پولیتیک ایله قافقازدا ایستراتژی قیریلمالارینا یاناشی، ارمنیجه و روسجا اثرلرده ارمنی ایمگهسی کیمی مسئلهلری مذاکیره ائدیب.
تبریز آراشدیرمالاری اینستیتوسونون باشقانی هئیت، سمپوزیومدا چیخیشیندا، بؤیوک بیر فاجیعه و اینسانلیق درامی اولان ارمنی ظلمونون بو ایل 100-جی ایلی اولدوغونو خاطیرلاداراق، "بو ائله بیر فاجیعه کی تکجه غربی آذربایجان ایالتینده، اورمیّه، خوی، سالماس و اطراف کندلرینده سیلاحلی ارمنی دستهلری طرفیندن قتله یئتیریلن تورکلرین ساییسی 130 مینین اوستونده قید ائدیلمیشدیر." ایفادهسینی ایستیفاده ائتدی.
بو رقمین، او دؤوردکی بؤلگه اهالیسینین تخمینن اوچده بیرینه تشکیل ائتدیگینه دقتی چکن هئیت، او "جملهدن، 1918ده" بؤیوک ارمنیستان خیالی حیاتا کئچیرمهیه چالیشانلار طرفیندن بؤیوک بیر سویقیریم ائدیلمیشدیر. دئیه دانیشدی.
هئیت، "ارمنیلر، بو گون هله ده مظلوملوق ادبیاتینی ایستیفاده ائدهرک، تؤرتدیکلری جینایتلری گیزلتمه لیر بیر یانا، بیزی بو وضعیتین گوناهکاری کیمی گؤسترمک تلاشلارینی داوام ائتدیریر." قیمتلندیرمهسینی ائتدی.
"بیزه قارشی ائدیلن ظلملری تئز اونوتموشوق"
ایستانبول آیوانسارای اونیورسیتهسینین پروفسور دوکتور جلال الدین یاووز، داغلیق قاراباغ موناقیشهسینه دایر چیخیشیندا، بو مسئلهنین، ارمنیستاندا دولتین و میللتین بوتون تشکیلات و فردلری طرفیندن ان حیاتی میللی منافع اولاراق منیمسدیگینه ایشاره ائتدی.
داغلیق قاراباغ پروبلمینین نیظامی عملیات یولو ایله مسئلهنین حلّی بارهده قیمتلندیرمهلر ائدن یاووز، "موجود شرایطده آذربایجان، اوزون و گرگین چاتیشمالار سونوندا داغلیق قاراباغی گئری آلابیلهجک فیزیکی ایمکان و قابیلیتلره مالیکدیر. بونو، سیلاح و نیظامی گوج کیمی ائده بیلیریک." دئیه دانیشدی.
یاووز، دیگر طرفدن سؤز موضوعسو آذربایجان و داغلیق قاراباغ مسئلهلری اولاندا، بیر آرایا گلمهین بؤیوک قلوبال گوجلرین بو مسئلهلرده اورتاق موقعیت توتدوغونا دقتی چکدی.
غازی اونیورسیتهسی ایقتیصادی و ایداری علملر فاکولتهسینین پروفسورو دکتور دوران بولبول، تاریخین، تورکلره قارشی ائدیلن سویقیریملارلا دولو اولدوغونو بیلدیرهرک، "بیز تورکلر، آغی دئمگی بیلمدیگیمیز و بونو ائتمدیگیمیز اوچون هئچ بیر زامان بیزه قارشی تؤرهدیلن سویقیریملاری، ظلملری تاریخ صحیفهلرینه قاشیمامیش، تئز اونوتموشوق". ایفادهلرینی ایستیفاده ائتدی.
بولبول، ارمنی دستهلرین بو جینایتلری آپارماسینداکی اساس مقصدین، "بؤیوک ارمنیستان" خیالینی حیاتا کئچیرمک اوچون تورکلری یوخ ائتمک اولدوغونو دئدی.
ایمپریالیزمین اثاسیندا دوران ایقتیصادی گرچکلیگین، خصوصیله نفت باشدا اولماقلا انرژی منبعلرینه صاحب اولما آرزوسو اولدوغونا وورغو ائدن بولبول، "آذربایجان خالقینا بو ظلمو، بو سویقیریمی یاشادان دا اصلینده ارمنی پروبلمینین آرخاسیندا، نفت پروبلمیدیر." دئدی.