آنکارادا سوریه توپلانتی‌سی-ابراهیم قالین

سوریه ساواشینین حاضیرداکی قارماشیق وضعیتینی گؤزآردی ائتمه‌یه‌رک، آنکارا دیروه‌سینین سوریه‌نی بوتون تروریست عنصورلاردان تمیزله‌مک و سوریه خالقینا آزادلیق، باریش، ثابت‌لیک و حیثیتینی گئری وئره‌جک سیاسی پروسه‌نی آسانلاش‌دیرماق اوچون آتیلمیش اؤنملی بیر آددیم

آنکارادا سوریه توپلانتی‌سی-ابراهیم قالین

جمهورباشقانلیغی سؤزچوسو سایین ابراهیم قالین‌ین دیلی صاباح‌دا یاییملانان ۰۷.۰۴.۲۰۱۸ تاریخ‌لی مقاله‌سینین تورکجه ترجومه‌سی‌دیر.

 

جمهورباشفانی رجب طیب اردوغان، یئددی ایلدیر داوام ائد‌ن سوریه ساواشینا تام بیر حل تاپماق اوچون اوچلو لیدئرلر ذیروه‌سینه، ۴ آوریل‌ده آنکارادا ائو صاحب‌لیگی ائتدی. ایران پرزیدنتی حسن روحانی و روسیا پرزیدنتی ولادیمیر پوتینین ایشتیراکی ایله گئرچکلشه‌ن ذیروه، سوریه ساواشی‌نی سونا چات‌دیرماق اوچون بیر اومود وعد ائدرکه‌ن، بو پروسه سیراسیندا قارشیا چیخاجاق چتین‌لیکلری ده اورتایا قویدو. سوریه ساواشینین اورتادوغوداکی قلوبال گوج اویونلارینین بیر صحنه‌سی حالینا گلدیی آرتیق سیرر دئییل. آمریکا، فرانسا، عربیستان، ایران و روسیا ایله آنا پایداشلارین ساواش‌نین نئجه سونلاندیریلاجاغی باره‌ده فرق‌لی فیکیرلری و اؤنجه‌لیکلری وار. بونا باخمایاراق، هامی‌سینین اوزرین‌ده آنلاشدیغی ایکی نهایی هدف - داعشی اورتادان قالدیرماق و سوریه‌نین اراضی بوتؤولویونو قوروماق. آنجاق بو ایکی هدف، عینی زامان‌دا فرق‌لی یوزوملارا دا یول آچماق‌دا و حتی زامان زامان فرق‌لی مقصدلره ده خیدمت ائدیر.

آمریکا رهبرلیگی، سوریه‌ده‌کی میسیونون اساس مقصدینین داعشی یوخ ائتمک اولدوغونو دئییر، آنجاق کئچه‌ن زامان عرضین‌ده بو میسیون فرق‌لی معنالار آلاراق داعشه قارشی موباریزه‌دن، سوریه‌ده ایران و روسیایا قارشیلیق وئرمه‌یه چدوریلمیش‌دیر کی، بو وضعیت فرق‌لی آچیقلامالار یاپیلماسی ضرورتینی دوغورموش‌دور. محض بو سبب‌دن آمریکا رسمیلری، داعشه قارشی موباریزه‌نین مؤوجود وضعیتی حاقین‌دا بیر بیرینه ضد اولان بیاناتلار وئریرلر. بعضیلری، ساواشین بیتدیینی و داعشین اورتادان قالخدیغینی دئیرکه‌ن، دیگرلری تهدیدین هله ده داوام ائتدیینی و بورادا آمریکانین حربی وارلیغینا اوزون مدت‌لی احتیاج دویولدوغونو دئییر. بو، عینی زامان‌دا، آنکارا طرفین‌دن ترور تهؤرگوتو اولاراق گؤروله‌ن پ‌کاکانین سوریه قولو پ.ی.د و اونا باغلی ی.پ.گ گوجلری ایله ایشله‌مک اوچون آمریکانین ایر‌لی سوردویو دلیللردیر.

آمریکانین آیریجا عربیستان و بیرلشمیش عرب امیرلیکلری طرفین‌دن دستک‌لنن بیر سیاست اولان دوغو سوریه‌ده ایرانا قارشی گوج اولاراق قالماق ایسته‌یی کئچدییمیز آیلاردا آیدینلاشاراق یاخشیجا آشکارا چیخمیش‌دیر. بونو، آمریکا پرزیدنتی دونالد ترامپ، اگر کؤرفز اؤلکه‌لری آمریکانین سوریه‌ده قالماسینی ایستییرلرسه بونون اوچون خرجلری قارشیلامالاری لازیم‌دیر، دئمیشدی. آیدین گؤرونور کی، مسئله آرتیق داعشله دئییل، سوریه‌ده و دیشین‌دا یئنی بیر گوج دنگه‌سی قورماقلا باغلی‌دیر. حاضردا، داعشله موباریزه ایکینجی بیر هدف‌دیر و آمریکا اوردوسونون، عسگریه‌یه یالنیز ترورا قارشی ساواش اوچون خاریجی تورپاقلاردا فعالیت ایجازه‌سی وئره‌ن آمریکا قانونلاری چرچیوه‌سین‌ده، سوریه‌ده قالماق اوچون قانونی اساس تاپماق پروبلئمی وار. تورکیه، ایران و روسیا لیدئرلری طرفین‌دن ۴ آوریل‌ده وئریلن اورتاق آچیقلامادا، سوریه‌ده‌کی ساواش‌ین سونا چاتماسی لازیم اولدوغو دیله گتیریلدی و "سوریه‌نین بوتونونده‌کی شدتی آزالتماغا کؤمک‌چی اولان تک تأثیرلی اولوسلارآراسی گیریشیم" اولاراق آستانا دانیشیقلارینا عطف ائدیلدی. اورتاق آچیقلاما، بیرلشمیش میلتلر امنیت شوراسینین ۲۲۵۴ سایی‌لی قراری و ژنو باریش دانیشیقلاری چرچیوه‌سین‌ده چالیشماغین ضرورتینی وورغولایدی. اوچ اؤلکه‌نین "سوریه‌نین اگمن‌لیگی، مستقیل‌لیگی، بیرلیگی، اراضی بوتؤولویو و مذهبچی اولمایان قورولوشو قونوسون‌داکی قرارلیلیغینی وورغولادی. بو اورتاق آچیقلاما، گله‌جک‌ده قورولاجاق سوریه حکومتینین، مذهب‌چی اولمایان، فراکسیونلارا بؤلونمه‌میش، دموکراتیک و پلورالیست قورولوشونا ائدیلمیش بیر گؤندرمه‌دیر.

آچیقلاما آیریجا پ.ی.د و ی.پ.گ‌یه ده آد وئرمه‌دن گؤندرمه‌دیر. اؤلکه‌لر، "ترورلا موباریزه بهانه‌سی ایله ساحه‌ده یئنی گرچکلیکلر یاراتماغا یؤنه‌لیک جهدلرین هامی‌سینی رد ائتدیلر و آیریلیقچی گوندملره قارشی دورما قرارلی‌لیقلارینی ایفاده ائتدیلر". بو اؤنملی نتیجه‌دیر، چونکو آنکارانین سوریه‌ده‌کی پ.ی.د و ی.پ.گ قونوسون‌داکی قایغیلارینی تهران ایله موسکوانین پایلاشدیغینی دوغرولاییر. تورکیه‌نین گوج‌لو توتومونون نتیجه‌سی اولاراق، بو تروریست قروپ نه آستانا، نه ده ژنو دانیشیقلارینا دعوت ائدیلمه‌دی.

آنکارانین بو آیدین و کسکین  حاق‌لی‌دیر، چونکو کوردلر و سوریه توپلومونون دیگر عضولری، سوریه‌ده بؤلوجو بیر دؤولتجیک قورماق اوچون ساحه‌ده فعلی شرایط یاراتماغا چالیشان تروریست بیر شبکه‌نی بیر بیرین‌دن آییریر. بوندان باشقا، تورکیه‌نین سوریه‌ده‌کی ی.پ.گ‌یه قارشی آپاردیغی موباریزه‌نین، داعشه قارشی آپاریلان موباریزه‌دن بیر ساپما اولمادیغی دا آچیق‌دیر. عکسینه، هر جور تروریزمه قارشی آپاریلان ساواشی تاماملاییر. بوتون تروریست تهدید‌لری سوریه‌نین بوتونونده اورتادان قالدیرماق، بوتون پایداشلارین هدفی اولمالی‌دیر.

بونونلا برابر ساحه‌ده گؤروله‌جک هله چوخ ایش گؤزلییر. روسیا و ایران، سوریه رژیمی اوزرین‌ده‌کی گوجلرینی، آتیشکسه حؤرمت ائتمه‌سی و انسانی یاردیملارین اؤلکه میقیاسین‌دا داغیدیلماسینا ایجازه وئرمه‌سی اوچون ایستیفاده ائتمه‌لی‌دیر. آیریجا، رژیمه، یئنی آنایاسانین یازیلماسی ایله آزاد و عدالت‌لی سئچیملرین کئچیریلمه‌سینی احتیوا ائد‌ن سیاسی پروسه‌نی تعقیب ائتمه‌سی اوچون باسقی ائتمه‌لی‌دیر.

آنکارا ذیروه‌سی - سوریه ساواشینین حاضیرکی وضعیت‌ده احتیوا ائتدیگی مورکب‌لیکلری و چتین‌لیکلری گؤز اؤنون‌ده توتاراق – سوریه‌نی؛ داعش، القاعده، النصره، پ‌کاکا، پ.ی.د و ی.پ.گ داخیل بوتون تروریست عنصورلاردان تمیزله‌مک و سوریه خالقینا چوخدان محروم ائدیلدیکلری اساس حاقلار اولان آزادلیغی، باریشی، ثابت‌لیگی و خیثیتی وئره‌جک سیاسی پروسه‌نی سرعتله‌ن‌دیرمک اوچون آتیلمیش اؤنملی بیر آددیم‌دیر.



ایلگیلی‌لی خبرلر