تورکیه پنجره سیندن اورتادوغو(33)

2013-جو ایلدن اعتباراً ایران پرزیدنتی حسن روحانی، 19 می سئچیم‌لرینی قازاندی. سئچیم‌لره 56 میلیون سئچیجی‌نین 73 فایزی قاتیلیب

تورکیه پنجره سیندن اورتادوغو(33)

 

تورکیه پنجره سیندن اورتادوغو(33)

ایراندا 19 می 2017 تاریخینده رئال‌لاشان پرزیدنت سئچیم‌لری نتیجه‌سینده حسن روحانی ایکینجی دفعه پرزیدئنت سئچیلدی. او، یاخین واخت‌لاردا اؤز کابینه‌سینی قوردو. بو هفته ایراندا ایکینجی روحانی  دؤورون و بؤلگه‌دکی یانکیلارینی تحلیل ائدجگیک.

آتاتورک اونیورسیته‌سی اولوسلار آراسی علاقه‌لر شعبه‌سی آراشدیرما کؤمکچی‌سی جمیل دوغاچ ایپک‌ین موضوعیا باغلی قیمتلندیرمه‌سینی تقدیم ائدیریک ...

--------

2013-جو ایلدن اعتباراً ایران پرزیدنتی حسن روحانی، 19 می سئچیم‌لرینی قازاندی. سئچیم‌لره 56 میلیون سئچیجی‌نین 73 فایزی قاتیلیب. روحانی اعتبارلی سس‌لرین 57.3% -ی، موحافیظه‌کار قانادی نامیزدی ایبراهیم رئیسی‌نین ایسه 38% -نی تشکیل ائدیر. اوّلکی سئچیم‌لرله موقاییسه‌ده روحانی سس‌لرینی 7% آرتیردی. بو نتیجه ایله رفورمیست-مولاییم کوالیسیون یوکسلیشینی داوام ائتدیریر، موحافیظه‌کار قاناد ایسه ضعیفلمه‌یه داوام ائدیر.

سئچیم پروسه‌سینده نامیزدلر خصوصیله ایقتیصاد اوستونده قالدی. رئیسی، ایقتیصادی وعده‌لر باخیمین‌دان سون درجه پوپولیست بیر سئچیم کامپانیاسی‌دیر. سئچیم نتیجه‌لری سئچیجی‌نین سئچیم‌لرینده ایقتیصادی وعده‌لرین تک تعیین ائدیجی اولمادیغینی، آزادلیق و دموکراسی موضوعسوندا دا باسقین طلبین وارلیغینی گؤستریر.

روحانی 2013 سئچیم کامپانیاسیندا اتنیک-مذهب آزینلیق‌لاردان گنج‌لیگه، مطبوعات دونیاسین‌دان اینتللکتوال‌لاری، کاسیب و یوخسول طبقه‌لردن اورتا و اوست صینیف‌لره قدر جمعیتین مختلیف طبقه‌لرینه ایستیقامت‌لی وعده‌لر وئردی. آنجاق ایرانین موجود سیستمینده رادیکال آلت یاپی اصلاحات‌لاری کئچمه‌دن بو وعده لری حیاتا کئچیرمک مومکون دئییل.

روحانی کئچدیگیمیز گون‌لرده یئنی کابینه‌سینی آچیقلادی. سئچیم‌لرده روحانی‌نی دستکله‌ین بیر چوخ ایصلاحاتچی ایسیم یئنی کابینه‌ده قادین‌لارین داخیل اولماسینی طلب ائتدی. آنجاق آچیقلانان لیسته‌ده هیچ بیر قادین ناظیر یوخدور. روحانی‌نین بو چوخ طلبه مثبت جواب وئرممه‌سی موحافیظه‌کارلارا وئردیگی بیر تعویض اولا‌راق آچیقلانابیلر. هم ده گؤروروک کی، روحانی کابینه‌سینده تورک باخیمین‌دان بیر ناظیر یوخدور. ایران ایچری‌سینده جیدی بیر اها‌لییه صاحب ایران تورک‌لری‌نین روحانی‌نین کابینه‌سینده تمثیل ائدیلممه‌سی هم سیاسی پلورالیزم باخیمین‌دان هم ده ایران تورک‌لری باخیمین‌دان منفی بیر اینکیشاف.

یئنی کابینه‌یه باغلی ائدیلن رفورمیست قاناددان ائدیلن ایلک قیمتلندیرمه‌لر روحانینین کابینه سئچیمیله رهبرلیک تشکیلاتی و اونا بیرباشا باغلی اینقیلاب گؤزتچی‌لری و محاکمه کیمی گوج مرکزلرین‌دن گلن باسقیلارا بویون ایدیگی ایستیقامتینده. گؤروندوگو کیمی، روحانی ایکینجی دؤورونده اینقیلاب رهبری ایله پروبلم یاشاماق ایستمیر. بئله‌لیکله، روحانی حکومته، خصوصیله ایقتیصادا و دیگر اؤنجه لیکلی ساحه‌لره دقت ائتمک ایستییر. روحانی‌نین بو مقصده  نه قدر اوغورلو اولاجاغی آیدین دئییل. دیگر طرف‌دن روحانی‌دن آزادلیق‌لار ساحه‌سینده اصلاحات رئاللاشدیرماسینی گؤزله‌ین رفورمیست قانادلا علاقه‌لرده ده احتیماللا یئنی بیر دؤور باشلایا‌جاق.

2015-جی ایلده ایمضا‌لانان نوگلئر موقاویله‌سینه باخمایا‌راق، ایرانا تطبیق ائدیلن تحریم‌لر تامامیله دایاندی. آمریکا ایله حکومت ایلیشکیلری ایستدیگی کیمی نورماللاشمامیشدی. آوروپا بیرلیگی ایله ایسته‌نیلن سیاسی-اقتصادی علاقه‌لر قورولمادی. یاخین شرق‌دکی بحرانین گئده‌رک درینلشدیگی بیر مدتده خاریجی سیاستده تمل آکتور اولا بیلمه‌ین حکومتین آچیلیم‌لاری ماراقلا گؤزلنیلیر. بو دا عینی زاماندا اؤلکه‌ده بیر موذاکیره قونوسودور. روحانی، یئنی دؤور حکومت پروقرامیندا خاریجی سیاستین حکومتین تشببوسونه بوراخیلماسی لازیم اولدوغونو ایفاده ائتدی. آنجاق بو طلبین قارشیلانماسی مومکون گؤرونمور. چونکی ایران آنایاساسی اینقیلاب رهبرینه اؤلکه‌نین عمومی سیاست‌لرینی تعیین ائتمک مسئولیتینی وئریر. پرزیدنت، ایجرا باشقانی، اینقیلاب رهبری طرفین‌دن قویولموش سیاستی ایجرا ائتمک اوچون مسولیت داشیییر. بونا گؤره، یئنی دؤورده ایراندا جیدی موذاکیره‌لرین باش وئرجگی ساحه‌لردن بیری خاریجی سیاست‌دیر. حکومت، اینقیلاب رهبرینین تصدیقی و یاردیمی ایله نوگلئر پرونده‌سینه دایر موقاویله‌نی و دانیشیق‌لاری ائتمیشدیر. بونا گؤره ده، حکومت یاخین شرق بحرانیندا سون قرار قبول ائدن دئییل.

نتیجه‌ده، اؤلکه‌ده گلیشمه لره حاضیرلانان روحانی ایله ایستاتوس-کوو ایله چوخ گوج بیر موباریزه‌سی گؤزلییر. دیگر طرف‌دن، روحانی و قلوبال باسقیلاری یومشالتماغا چالیشا‌جاق. بو ایکی موباریزه روحانی طرفین‌دن عینی زاماندا ایجرا ائدیلمه‌سی چتین بیر پروسئس اولا‌جاق. آمریکا و غرب ایله گرگین‌لیک‌لی علاقه‌لری آشا بیلممیش بیر ایرانین قلوبال و بؤلگه‌سل علاقه‌لری بو گرگینلیگین کؤلگه‌سینده قالماغا داوام ائده‌جک. نوگلئر موقاویله‌دن سونرا نوگلئر پروژه ایله باغلی تحریم‌لرین خاریجینده دیگر تحریم‌لر داوام ائتدیگی اوچون حکومتین اؤلکه‌یه خاریجی یاتیرم چکرکن اؤتن دؤرد ایلده قارشیلاشدیغی پروبلم‌لرین ده داوام ائتمه‌سی احتیمال وار.

تحریم‌لرین سورمه‌سی، ایرانین ایقتیصادی اینکیشافی اوچون خاریجی یاتیریمین حیاتی اهمیتده اولدوغونو وورغولایان روحانینین ایقتیصادی سیاستینی منفی تأثیر ائده‌جک. بونا گؤره ده عینی زاماندا روحانی ایچ و خاریجی سیاست تشببوس‌لرینی حیاتا کئچیرمک لازیم‌دیر. اؤلکه‌دکی گوج پایلاشیمینی دوشونولدوگونده ایران پرزیدنتینی روحانی‌نی اؤنوموزدکی دؤرد ایلده چوخ و چتین بیر ایچ-خاریجی سیاست مسئله‌لری گؤزلییر.

ایران و تورکیه علاقه‌لری اوچون یئنی نوبه‌ده باخدیغیمیزدا، سوریه و عراق سیاستی ایکی اؤلکه آراسین‌داکی فیکیر آیری‌لیق‌لاری‌نین ان اهمیت‌لی نقطه‌لری اولا‌جاق.

کیمی گؤرونور. خصوصیله ترامپ دؤورو ایله آمریکا و کؤرفزین هدفی حالینا گلن ایران، تورکیه و قطرین دستگی ایله بو وضعیتی ثابت‌لش‌دیره بیلر. بونونلا بئله، ایرانین بؤلگه‌‌ده، خصوصیله سوریه و عراق‌داکی مذهب اساس‌لی خاریجی سیاستینه دقت یئتیرمه‌سی واجیب‌دیر. تورکیه‌نین امنیت پروبلم‌لری‌نین جیدی قبول ائدیلمدیگی بیر وضعیتده ایکی اؤلکه‌نین بیر-بیرینه یاخینلاشماسی مومکون دئییل.

آتاتورک اونیورسیته‌سی اولوسلار آراسی علاقه‌لر شعبه‌سی آراشدیرما کؤمکچی‌سی جمیل دوغاچ ایپک‌ین موضوعیا باغلی قیمتلندیرمه‌سینی تقدیم ائتدیک.....



ایلگیلی‌لی خبرلر