دونیادا اولماق اما بو دونیا‌دان اولماماق

دونیادا، نه اونون مادی وارلیغینی اینکار ائده‌رک نه ده اونا تسلیم اولا‌راق اما دونیانین حاقینی وئره‌جک بیر شکیلده یاشاماق

دونیادا اولماق اما بو دونیا‌دان اولماماق

دونیادا اولماق اما بو دونیا‌دان اولماماق

قارشی-قارشییا اولدوغوموز اینتللکتوئل و اخلاقی میدان اوخوما بودور: دونیادا اولماق اما دونیا‌دان اولماماق. دونیادا، نه اونون مادی وارلیغینی اینکار ائده‌رک نه ده اونا تسلیم اولا‌راق اما دونیانین حاقینی وئره‌جک بیر شکیلده یاشاماق. بو دونیا‌داکی سون مقصدیمیزی هئچ بیر زامان گؤزدن ایتیرمه‌دن حیاتین دادینی چیخارماغی باجارماق‌دیر

غربلی دینی و شرقشوناس محفل‌لرده ایسلاما قارشی یؤنلدیلن تنقیدلردن بیری ده ایسلامین، خریستیان‌لیقلا موقاییسه‌ده، بیر دین اولا‌راق چوخجا دونیوی اولدوغو ادعاسی‌دیر. خریستیان پولئمیکچیلر محمد پیغمبری، عیسی مسیح‌ین عکسینه، دونیوی اجتماعی و سیاسی علاقه‌لرله آشیری درجه‌ده ماراقلانمیش اولا‌راق گؤررلر. داهاسی ایسلامین بیر دین دئییل اما بیر ایدئولوژی اولدوغو سوچلاماسینی ائدرلر. بو ادعا‌لار یالان سهو آنلاییش‌لارا و ساختا عارشیلاشدیرما‌لارا اساس‌لانیر. ایسلام، دونیانین وارلیغینی اینکار ائتمز آنجاق دونیایا قارشی چوخ دا محبّت بسلمه‌ین، چوخ دا باغلانمایان بیر توتوم توتور. توتولماسی لازیم اولان حساس تارازلیق ایسه دونیانین خیدمتینه گیرمه‌دن، بو دونیادا معنا‌لی بیر شکیلده حیات سوره‌بیلمکدیر.

شئی‌لره لاییق اولدوق‌لاری قدریله درین جیدی‌لیک و قیمت وئره‌رک، آنجاق سون تحلیلده تانری‌نین یارادیلیش پلانین‌داکی کیچیک و اهمیت‌سیز یئرلرینی و بیزیم ده اونون ایچین‌دکی یئریمیزی بیله‌رک داورانماق زکا، مودریک‌لیک و هنر طلب ائدیر. دونیا بیر اؤرتوک و بیر ایلنجه یئری‌دیر؛ هئچ بیر اینسان اوندا اؤزونو ایتیرممه‌لی‌دیر. اینسان ذکاسی و غورورو بو دونیانین موقتی زامانسال‌لیغی‌نین اوزرینده‌دیر. آنجاق تانری‌نین بیر صنعت اثری اولا‌راق دونیا، بیر طرف‌دن ده اونون احتیشامینی، دیزاینینی و مرحمتینی گؤزلر اؤنونه سرر. دونیا، اؤز فیزیکی / مادی خصوصیت‌لری‌نین جمعین‌دن چوخ داها گئنیش و داها معنا‌لی بیر شئیی گؤسترن بیر ایشاره اولا‌راق خیدمت ائدیر. دونیا آغری‌نین، اذیتین و شدتین قایناغی اولا بیلر آنجاق بیر طرف‌دن ده مودریکلیگین، آشان، دوستلوغون، شفقت و مرحمتین ده قایناغی‌دیر. بو دا بیزی هر دایم اؤزوموزه سورمامیز لازیم اولان بو کریتیک سوالا گتیریر: حیاتیمیزی، دونیایا تسلیم اولما‌دان، نئجه جیدی و معنا‌لی بیر شکیلده یاشایابیلیریک؟

بو یالنیز قاورامسال بیر سوال دئییل. اطرافیمیزداکی دونیایلا نئجه قارلی‌لیق‌لی تأثیره گئچه‌جگیمیزی ده شکیل وئریر. دونیانی آباد یا دا یوخ ائتمه یول‌لارینی معین ائدیر. بو بوتون مدنیت‌لرین اوریینده یاتان سوال‌دیر - ائله بیر سوال کی معاصیر دونیا نئجه جوابلایاجاغینی بیلممکده‌دیر.

کلاسیک موسلمان دوشونورلر و علم اینسان‌لاری دونیانین فیزیکی حقیقتینی جیدی‌لیکله اله آلمیش‌لار آنجاق هئچ بیر زامان اونو اؤز ایچینده و اؤزون‌دن میدانا گلن، اؤزونو رئال‌لاش‌دیران بیر آنلاما صاحب اولا‌راق درک ائتممیش‌لر. کایناتین فیزیکی آکتو‌لاری‌نین اطراف‌لی بیر آنالیزینی تامین ائدن اینکیشاف ائتمیش و خیلی علمی بیر طبیعت معلوماتی چیخارمیش‌لار. آنجاق یئنه ده اوزرینده ایصرارلا دایانا‌راق چالیشدیق‌لاری بو "دونیا"، اؤز اؤزونو ایضاح ائدن و اؤزونده اؤز یارانما سببینی گؤسترن بیر حقیقت دئییلدی. فیزیکی دونیانی، قورانین "حیات آل دونیا" / "بو دونیانین حیاتی" یا دا "دونیوی حیات" دئیه تعیین داها گئنیش بیر مزموندا آراشدیرمیش‌لار. بو حساس تعیین ائتمه "دونیا حیاتی" اولا‌راق داها دوزگون بیر شکیلده ایفاده ائدیله بیلر.

"دونیا حیاتی" ایله قصد ائدیلن اوزرلرینه دگرلر یوکلنمیش یاخشی و پیس پرینسیپ‌لری‌نین، مادی وارلیق‌لارین حیات تاپدیغی فیزیک و ریاضیات پرینسیپ‌لرینه گؤره داها چوخ اهمیت قازاندیغی بیر وارلیق ساحه‌سی، بیر علاقه‌لر باغلامی‌دیر. دونیا یالنیز اؤز باشینا بیر "اوبژه" یا دا اینسان‌لارین قالماق اوچون گلدیگی بیر "ایشتیراک" دئییل. هر شئی‌دن اوّل اخلاقی بیر ساحه‌ده، اینسان‌لیق وضعیتینی شکیللن‌دیرن بیر اینانج‌لار و توتوم‌لار باغلامی‌دیر. دونیایا قارشی موقعیتیمیز، بو ساحه‌نین و اوغرونا یاشادیغیمیز مقصدلر باغلامی‌نین بیر-بیرلریله اولان اویغونلاشماسی، قارشی‌لیق‌لی آنلام قازانماسییلا میدانا گلر.

دولایسییلا "دونیوی حیاتا"، دونیانین مادی وارلیغینی رد ائتمه‌یه‌رک، اخلاقی و منعوی بیر میدان اوخوما اولا‌راق باخمالیییق. کیشی‌دن بو دونیایا حاقینی دوغرو دوزگون و خوشبخت بیر شکیلده، سئوینج ایچینده وئرمه‌سی طلب، آنجاق بیر طرف‌دن ده محمد پیغمبرین بو سؤزلری‌نین ده هر زامان خاطیرینده اولماسی ایستنیلیر: بو دونیادا بیر خاریجی (گاریب) اولون و اصلا اونا باغلانمایینیز. یولوندا یوروگونوز و گؤزل‌لیک‌لری‌نین دادینی چیخارین، اما سون سونون بورادا اولمادیغینی بیلین.

بیر طرف‌دن دونیایا باغلانماماغی دیگر طرف‌دن ده دونیایا حاقینی وئرمک‌دن مورککب بو ایکی-یؤن‌لو توتوم اصلینده ایسلامین هر وضعیتده ایزلدیگی اورتا یولو تعقیب ائتمک و بوتون آشیری اوجلاردان قاچینماق توصیه‌سی‌دیر بیر اوزانتی‌سی‌دیر. ایسلام ایشده بو زمین اوزرینه اینسان‌لیق تاریخی‌نین ان قالیجی مدنیت‌لرین‌دن بیرینی اینشا ائتمیش‌دیر. موسلمان علم اینسان‌لاری، عالیم‌لر، صنعتچی‌لر، ایدارچی‌لر، کندلی‌لر و دیگرلری دونیانی، کایناتین نیزامی و گؤزللیگیله اویغونلاشما ایچینده ایشلمیین یول‌لارینی آختارمیش‌لار. الده ائتدیک‌لری بؤیوک مادی و علمی اوغورلار اونلاری هئچ بیر شکیلده ماتریالیزم و دونیایا تاپینماغا یؤنلندیرممیشدیر. آنجاق دونیانین رئال‌لیغینا کشیش واری بیر شکیلده ده رد ئتممیشلردیر. دونیایا موقتی (فانی) و نیسبی بیر یئر اولا‌راق باخمیش اما اونو داها گؤزل و عدالت‌لی ائتمک اوچون ده امک وئرمیش‌لر. قورانا گؤره بوتون کاینات بیزه بیر "امانت" اولا‌راق وئریلمیش‌دیر و بو امانته لاییق گؤرولن آدام ده اعتبارلی، "امین"، اولماق مجبوریتینده‌دیر. آنجاق بو شکیلده دونیا بوتون اینسان‌لار اوچون اعتبارلی و امین بیر یئر حالینا گله‌جک‌دیر. قارشی-قارشییا اولدوغوموز اینتللکتوال و اخلاقی میدان اوخوما بودور: دونیادا اولماق اما دونیا‌دان اولماماق. دونیادا، نه اونون مادی وارلیغینی اینکار ائده‌رک نه ده اونا تسلیم اولا‌راق اما دونیانین حاقینی وئره‌جک بیر شکیلده یاشاماق. بو دونیا‌داکی سون مقصدیمیزی هئچ بیر زامان گؤزدن ایتیرمه‌دن حیاتین دادینی چیخارماغی باجارماق‌دیر. بو سببله ایسلامین دونیوی بیر دین اولدوغو اتهام‌لاری کوللیئن سهو‌دیر. ایسلام، دونیا‌داکی وارولوشوموزون سون مقصدینی اونوتما‌دان داها گئنیش بیر کونتکستینده داخیلینده دونیایا حاقینی وئریر. ایسلام دونیانی رد ائدن بیر دین دئییل. سیرر بودور: "هر شئیی عایید اولدوغو یئره قویماق" اولان عدالتی تام مناسییلا قاورایا بیلمک و تطبیق ائتمک. دونیایا و اؤزوموزه قارشی عدالت‌لی اولدوغوموز زامان هر شئی یئرلی یئرینده لاییقینجه وار اولور. بو سبب‌دن، بیز دونیادا، داها آشاغی‌لاریندا ایشتیراک ائدن خصوصیت‌لری‌نین عهده‌سین‌دن گلمک و هر شئی‌دن اوّل دونیانین یارادیلما و بیزه امانته ائدیلمه مقصدینه خیدمت ائده‌جک بیر اخلاقی و معنوی موکممل‌لیک حالینا چاتماق اوچون یاشامالیییق. حقیقته، اردمه، سئوگییه و خوشبخت‌لیگه حقیقتن و قالیجی اولا‌راق چاتماق، یالنیز دونیایا باغلانمادیغیمیز و نیه بورادا اولدوغوموزو بیلدیگیمیز زامان مومکون‌دور.



ایلگیلی‌لی خبرلر