وجودونا ۲۵ مرمی اصابت ائتدی
"پلیس، بیرباشا آتیش ائتمک یئرینه، قاچماسینی اؤنلهییجی تدبیرلر آلابیلردی"
آمریکا بیرلشمیش ایالتلرینین کالیفورنیا ایالتینده پلیس طرفیندن، ۹ فوریهده ماشینیندا وورولاراق اؤلدورولن رپچی ویلی مکویون وجودونا ۲۵ مرمینین اصابت ائتدیگی قید ائدیلدی.
مکوی عائلهسینین وکیلی ملیسا نولد، انبیسی نیوزا وئردیگی آچیقلامادا، ۲۰ یاشینداکی مکویون جسدی اوزرینده اینجهلمهلر ائتدیگینی دئدی.
مکویون ۲۵ مرمینین هدفی اولدوغونو بیلدیرهن نولد،مرمیلردن بعضیلرینین اوزونه و بوغازینا اصابی ائتدیگینه ایشاره ائدرک،
"بونو، آشیری گوج ایستیفادهسی کیمی تانیملاماق یئترلی بیر ایفاده اولور" دئدی.
نولد، پلیسین مکویا بیرباشا آتیش ائتمک یئرینه، قاچماسینی اؤنلهییجی تدبیرلر آلابیلهجگینی ده بیلدیررک،
"دوروم داها فرقلی بیر شکیلده اله آلینابیلردی" ایفادهلرینی ایشلتدی.
"ویل بو" صحنه آدی ایله تانینان گنج رپچی مکوی، ۹ فوریهده یول اوزریندهکی بیر موسسهنین قارشیسیندا ماشینیندا یاتارکهن، موسسه صاحبلری طرفیندن پلیسه خبر وئریلمیشدی.
پلیسین "اللر یوخاری" اویاریسینا اویمایان مکوی، قوجاغینداکی سلاحا ال آتماسی نتیجهسینده ۶ پلیسین مرمیلرینین هدفی اولموش و حادثه یئرینده حیاتینی ایتیرمیشدی.